पाटन नगरपालिकामा कांग्रेसद्वारा जनप्रतिनिधिसँग अन्तरक्रिया कार्यक्रम सम्पन्न

प्रदेश समाचार

Home
प्रदेश समाचार
पाटन नगरपालिकामा कांग्रेसद्वारा जनप्रतिनिधिसँग अन्तरक्रिया कार्यक्रम सम्पन्न

पाटन नगरपालिकामा कांग्रेसद्वारा जनप्रतिनिधिसँग अन्तरक्रिया कार्यक्रम सम्पन्न

नेपाली कांग्रेस बैतडीको पाटन नगर कमिटिले निर्वाचित जनप्रतिनिधिहरुसँग अन्तरक्रिया कार्यक्रम गरेको छ ।
पाटन नगरपालिकाका नगर प्रमुख गौरी सिंह रावलसहित पाटन नगरपालिकाका कांग्रेसबाट निर्वाचित जनप्रतिनिधि, पाटन नगर सभापति रमेश सिंह महरा, नेपाली कांग्रेसका पुर्व जिल्ला सभापति बिष्णु जोशी, महादिवेशन प्रतिनिधि एवं युवा नेता कपिल केसी लगायतका नेताहरुको सहभागितामा अन्तरक्रिया कार्यक्रम सम्पन्न भएको पाटन–८ का वडा सभापति मोहन सिंह बिष्टले जानकारी दिए ।
कार्यक्रमका सहभागिहरुले पाटन नगरपालिकाका निर्वाचित जनप्रतिनिधिहरुले जनअपेक्षा अनुसारको काम गर्नुपर्नेमा जोड दिएका थिए । नगर प्रमुख समेत कांग्रेसबाटै निर्वाचित भएको परिपेक्षमा पाटन चिनाउने नयाँ कामको थाली गर्नुपर्नेमा पनि सहभागिहरुले धारणा राखेको बताइएको छ । पाटनमा बहुसंख्यक जनप्रतिनिधिहरु कांग्रेसबाट निर्वाचित भएको हुनाले जनताको चाहाना अनुसार काम गर्नुपर्ने धाराणा आएका थिए ।
पाटनमा मेयरसहित २७ जना जनप्रतिनिधि कांग्रेसबाट निर्वाचित भएका थिए ।
अन्तरक्रिया कार्यक्रमसँगै कृयाशील सदस्य नविकरण तथा पार्टी सुदिृढिकरणका विषयमा पनि छलफल भएको नेपाली कांग्रेस पाटन नगरसमितिले जनाएको छ ।

प्रकाशित मिति: शनिबार, पुस ७, २०८० १७:०७

प्रतिक्रिया दिनुहोस्