जनताको विश्वास जित्दैछौँः अग्नि सापकोटा

प्रदेश समाचार

Home
प्रदेश समाचार
जनताको विश्वास जित्दैछौँः अग्नि सापकोटा

जनताको विश्वास जित्दैछौँः अग्नि सापकोटा ‘रुपान्तरण अभियानबाट जनतामा आशा पलाएको छ’

नेकपा माओवादी केन्द्रका उपाध्यक्ष एवं निवर्तमान सभामुख अग्नि प्रशाद सापकोटाले जनतासँग माओवादी रुपान्तरण अभियान सार्थक भएको बताएका छन् । प्रेस सेन्टर बैतडी साखाले जिल्लाको पाटनमा आयोजना गरेको पत्रकार सम्मेलनमा रुपान्तरण अभियानबाट जनतासँग झनै निकट सम्बन्ध स्थापित भएको र विश्वास जित्दै गएको बताएका हुन् ।
२०६४ सालको निर्वाचनमा पाएको जनमत र २०७९ मा पाएको जनमतको समिक्षा गर्दा माओवादी केन्द्र र जनताबीचको सम्बन्ध कमजोर भएको महसुस गरिएपछि यो अभियानको थालनी गरेको बताउदै सापकोटाले रुपान्त्रण अभियानबाट नयाँ विश्वास पैदा गर्न सफल भएको बताए । ‘हामिले जनासँगै हिडनुपर्छ, उनिहरुकै जिवनस्तरमा रहनुपर्छ, सोही अनुसारको अभ्यास गरिरहेका छौँ, केही हदसम्म सफल भयौँ,’ सापकोटाले भने । सबै वर्गका नागरिकहरुको मुद्धा सम्बोधनका विषयमा निरन्तर लागि परेको समेत बताए ।
रुपान्त्रण अभियान पार्टीको मात्रै नभई सिंगो राज्यकै अभियान भएको सापकोटाको भनाइ थियो । ‘यो आन्दोलनको पनि सुद्धिकरण हो, परम्परागत शैली र सोचले हुदैन,’ उनले भने, ‘दृष्टिकोण, कार्यतिनिमा परिवर्तन गर्न जरुरी छ,’ सापकोटाले भने ।
माओवादीको रुपान्तरण अभियानबाट जनतामा आशाका झिल्काहरु पैदा भएको उपाध्यक्ष सापकोटले बताए । ‘पार्टी चलायमान भएको छ, पाटीका कमिटिहरु सक्रिय भएका छन्, जनमुखी पनि भएको छ,’ सापकोटाले भने, ‘समन्वयमा अझै ध्यान दिनुपर्ने देखिएको छ, बैज्ञानिक योजना बनाउदा अझै ध्यान दिनुपर्ने देखिएको छ,’ । कार्यकर्ताहरु जनतातिर फर्किने एउटा बलियो आधार भएको उपाध्यक्ष सापकोटाको भनाइ थियो ।
माओवादी केन्द्रका अध्यक्ष पुष्पकमल दाहाल प्रचण्डको नेतृत्वमा रहेको वर्तमान सरकार लयमा रहेको समेत सापकोटाले बताएका थिए । देशमा विगतमा भएका बेथितिको अन्त्य गर्नको लागि सरकार निर्मम भएर लागरेको सापकोटाले बताए । ललितानिवास प्रकरण, सुन प्रकरण, भुटानी सरणार्थी लगायतका देशका अहितमा भएका सबै कामका बिरुद्ध सरकार कठोर भएर लागेको सापकोटाले बताए ।
नेकपा माओवादी केन्द्रको जिल्ला कमिटिले आयोजना गरेको समिक्षा कार्यक्रममा बैतडीको विकासका लागि पार्टी उपाध्यक्ष सापकोटाको ध्यानाकर्षण गराएका थिए ।
पाटन बिमानस्थल सञ्चालनका विषयमा महत्वकासाथ आग्रह गरिएको नेकपा माओवादी केन्द्र बैतडीका संयोजक शंकर भण्डारीले बताए । १६ करोड लगानीमा निर्माण गरिएको पाटन बिमानस्थल झण्डै २ वर्षदेखि सञ्चालनमा नआएको बताउदै जिल्ला संयोजक भण्डारीले पार्टीले यो विषयलाई निकै महत्वका साथ हेर्नुपर्ने माग राखेका थिए । नमुना सहरको काममा पनि निकै सुस्तता देखिएकाले यो विषयमा पनि चासो िदिनुपर्ने माग गरिएको थियो ।

प्रकाशित मिति: मंगलबार, पुस १०, २०८० १९:१९

प्रतिक्रिया दिनुहोस्