पाटन–१०को ब्रहम आविको शिक्षक नियुक्तिमा लफडा, विव्यस अध्यक्ष छनौट कक्ष छाडेर हिडे

प्रदेश समाचार

Home
प्रदेश समाचार
पाटन–१०को ब्रहम आविको शिक्षक नियुक्तिमा लफडा, विव्यस अध्यक्ष छनौट कक्ष छाडेर हिडे

पाटन–१०को ब्रहम आविको शिक्षक नियुक्तिमा लफडा, विव्यस अध्यक्ष छनौट कक्ष छाडेर हिडे

बैतडी,
बैतडीको पाटन नगपालिका–१० स्थित ब्रहम आधरभूत विद्यालय हतासको शिक्षक नियुक्ती प्रक्रियामा लफडा भएपछि शिक्षक नियुक्ति प्रक्रिया रोकिएको छ । संघीय अनुदानको अंग्रेजी विषयको शिक्षक नियुक्तीको लागि सोमबार पाटन नगरपालिकामै भएको परीक्षामा लफडा भएपछि नियुक्ति प्रक्रिया रोकिएको हो ।
सोही विद्यालयमा कार्यरत चन्द्रदेव भट्टसहित चन्द्रदेव पन्त, नविन पन्त र लक्ष्मण बहादुर कुवँरले आवेदन भरेका थिए ।
सोमबार शिक्षक नियुक्तीको परीक्षाकै क्रममा पहिलो चरणको नतिजा सार्बजनिक गर्ने तयारी भइरहेकाबेला विद्यालय व्यवस्थापन समितिका अध्यक्ष करुणाकर भट्ट एक्कासी असन्तुष्ट भएर परीक्षास्थलबाट बाहिरिएका थिए । त्यसपछि दोश्रो चरणको परीक्षा अघि बढ्न सकेन ।
विव्यस अध्यक्ष नै नभएपछि पहिलो चरणको नतिजा सार्बजनिक गर्न नपाएको र दोश्रो चरणको परीक्षा स्थगित गरिएको पाटन नगरपालिकाका शिक्षा साखामा कार्यरत बिर्खराज भट्टले बताए । परीक्षा समितिमा समेत रहेका बिर्खराज भट्टका अनुसार पहिलो चरणको उत्तरपुस्तिका अहिले इलाका प्रहरी कार्यालय पाटनमा राखिएको छ । ‘विव्यस अध्यक्षकै रहोबरमा प्रश्नपत्र बनेको छ, उत्तर पुस्तिका समेत उनकै रहोबरमा भएको हो, भट्टले भने, नतिजा सार्बजनिक गर्नै समयमा के भएछ, एक्कासी बाहिरिए,’ शिक्षा साखामा कार्यरत भट्टले भने ।
विषयविज्ञ समेत गोलाप्रथाद्धारा छनौट गरिएकाले परीक्षा सञ्चालनमा कुनै कैफियत नरहेको उनले बताए ।
विद्यालय व्यवस्थापन समितिका अध्यक्ष नै बाहिरिएपछि दोश्रो चरणको प्रक्रिया अघि नबढेको र अबको विद्यालय व्यवस्थापन समितिको बैठकबाट केही निर्णयमा पुगिने विद्यालयका प्रद्यानाध्यापक शान्ती पन्तले जानकारी दिइन् ।
विद्यालय व्यवस्थापन समितिका अध्यक्ष करुणाकर भट्टले यस विषयमा विव्यसको बैठकमै जानकारी दिने बताए । ‘त्यहाको परीक्षाको वातावरण केही न केही भएकाले नै म बाहिरिएको हु, मरो असन्तुष्टिको विषयमा विव्यसको बैठकमै खुलाएर भन्छु,’ उनले भने ।

प्रकाशित मिति: मंगलबार, पुस १०, २०८० २०:०९

प्रतिक्रिया दिनुहोस्