सिगासः कुर्चेनेटा–गर्जे सडक अघि बढाउन माग गर्दै दुदीलाखान–गाजरी सडक बन्दको घोषणा

प्रदेश समाचार

Home
प्रदेश समाचार
सिगासः कुर्चेनेटा–गर्जे सडक अघि बढाउन माग गर्दै दुदीलाखान–गाजरी सडक बन्दको घोषणा

सिगासः कुर्चेनेटा–गर्जे सडक अघि बढाउन माग गर्दै दुदीलाखान–गाजरी सडक बन्दको घोषणा

बैतडी,
बैतडीको सिगास गाउँपालिका–१ र २ देखि गर्जे जोड्ने सडक निर्माण अघि बढाउन माग गर्दै आन्दोलनको घोषणा गरेका छन् । दुदीलाखान– गाजरी–कुर्चेनेटा–गर्जे सडक संघर्ष समितिले भोली पुष १६ गतेदेखि दुदीलाखा–गाजरी सडक अबरुद्ध पार्ने चेतावनी दिएका हुन् ।
एक विज्ञप्ती जारी गर्दै यसअघिका दिनहरुमा सम्बन्धित निकायमा ज्ञापनपत्र बुझाउदै ध्यानाकषर्ण गराइएको भएपनि कुनै सुनुवाई नभएको भन्दै १६गतेदेखि दुदीलाखान–गाजरी सडकखण्ड अबरुद्ध पार्ने घोषणा गरेका हुन् ।

गाउँपालिका जोड्न उत्तम बिकल्पको रुपमा रहेका कुर्चेनेटा–गर्जे सडक रहेकाले सो सडकलाई यथासीघ्र अघि बढाउन माग गरिएको छ । आन्दोलनरत संघर्ष समितिले धौलाडी–काठा हुदै गर्जे जोड्ने सडकलाई पनि अघि बढाउनुपर्ने र कुर्चेनेटा सडकलाई पनि अघि बढाउन माग गरेका हुन् । ‘हामिले कुर्चेनेटा सडकलाई मात्रै अघि बढाउन भनेका छैनौँ, धौलाडीको बाटो पनि अघि बढ्नुपर्छ, तर कुर्चेनेटा हुदै जाने सडक पनि रोकिनुहुन्न ।’ आन्दोलनरत संघर्ष समितिका अध्यक्ष पवन चन्दले भने ।

यसअघि वडा कार्यालय हुदै गाउँपालिका, जिल्ला समन्वय समिति र जिल्ला प्रशासन कार्यालयलाई समेत यस विषयमा ध्यानाकर्षण गराएको भएपनि कुनै सुनुवाई नभएपछि बाध्य भएर आन्दोलनमा उत्रिनु परेको संघर्ष समितिले जनाएको छ ।
सिगास–१ का वडा अध्यक्ष रामचन्द्र ऐरीले पनि काुर्चेनेटा सडक र धौलाडी सडक अघि बढ्नुपर्नेमा जोड दिएका छन् ।
यता वडा नं २ का वडा अध्यक्ष ठगेन्द्र सिंह ऐरले धौलाडीहुदै गर्जे जोड्ने सडक निर्माण पुरा नभएसम्म कुर्चेनेटा देखि गर्जे जोड्ने सडक अघि बढ्न नदिने चेतावनी दिएका छन् ।

प्रकाशित मिति: आइतबार, पुस १५, २०८० ०९:१६

प्रतिक्रिया दिनुहोस्