प्रदेश सरकारको लापरवाहीका कारण बैतडी अस्पतालको अंक घट्योः अध्यक्ष भट्ट

प्रदेश समाचार

Home
प्रदेश समाचार
प्रदेश सरकारको लापरवाहीका कारण बैतडी अस्पतालको अंक घट्योः अध्यक्ष भट्ट

प्रदेश सरकारको लापरवाहीका कारण बैतडी अस्पतालको अंक घट्योः अध्यक्ष भट्ट प्रदेश सरकारलाई मेसु र लेखापलको माग गरेको लामो समयसम्म पनि व्यवस्थापन नगरिदिदा स्वास्थ्य सेवा मापदण्डमा अंक घटेको अस्पतालले जनाएको छ ।

कृष्ण बिष्ट बिहीबार, पुस १९, २०८०

बैतडी,
जिल्ला अस्पताल बैतडी लगातार ३ वर्षदेखि न्युनतम स्वास्थ्य सेवा मापदण्डमासुदूरपश्चिम प्रदेशकै उत्कृष्ट रहदै आएको छ । गत वर्ष न्युनतम स्वास्थ्य सेवा मापदण्डमा प्रदेशको उत्कृष्ट मात्रै होइन देशभरीकै दोश्रो स्थानमा रहेको थियो । गत वर्ष सो मापदण्डमा ९५ प्रतिशत अंक प्राप्त गरेका अस्पतालले यस वर्ष ९३ प्रतिशत अंक पाएको छ ।
गतवर्षको भन्दा कम अंक आउनुको पछाडी प्रदेश सरकारको चरम लपरवाही रहेको जिल्ला अस्पताल व्यवस्थापन समितिको भनाइ छ । आफ्नै लेखापाल नहुदा र मेडिकल सुपरिटेण्डेन्ट नहुदा यो अवस्था आएको अस्पताल व्यवस्थापन समितिका अध्यक्ष पार्वती भट्टले बताइन् ।
‘सबै व्यवस्थापकीय पक्ष, प्रशासनिक पक्ष र स्वास्थ्य सेवा प्रवाहमा दिनरात खटिएका छौँ, तर प्रदेश सरकारले माग गरेका कर्मचारी नपठाउदा वार्षिक मुल्याङ्कनमा चुक्यौँ, कमजोरी प्रदेशको भयो, नतिजा हामिले भोग्नुप¥यो ।’ उनले भनिन्, ‘यदी लेखापाल र नवौं तहको मेसु भइदिएको भए ९६ प्रतिशत अंक प्राप्त हुन्थ्यो र देशभरीम उत्कृष्टको सुचीमा प्रवेश गर्ने थियौँ ।’ भट्टले भनिन् ।
अस्पतालसँग भएको सबै श्रोतसाधनको भरपुर उपयोग गरेको अवगत गराउदै अध्यक्ष भट्टले व्यवस्थापकीय पक्षसँगै चिकित्सकीय टोली र अस्पतालका सबै कर्मचारीले दिनरता मेहनत गरेको बताइन् । यति गर्दागर्दे पनि प्रदेश सरकारको लपरवाहीका कारण अवमुल्यन भोग्नु परेको भट्टले बताइन् । सुदूरपश्चिम प्रदेशले लोकसेवा खोल्न नसकेर राम्रो गर्दागर्दै पनि नतिजा हाम्रो पक्षमा नआएको व्यवस्थापन समिति अध्यक्ष भट्टको भनाइ छ ।
‘नवौँ तहको मेसु र लेखापाल लगायतका कर्मचारीको माग गरेको लामो समय भइसक्यो, प्रदेशले लोकसेवा खोल्दैन, हामिले कसरी व्यवस्थापन गर्ने?’ भट्टले भनिन् । प्रदेशले कर्मचारकिो व्यवस्थापन गरेका भए अस्पताल सर्बाेत्कृष्टको सुचिमा अटाउने उनको दाबी छ ।
जिल्ला अस्पतालमा एक जना मेसु र एक जना मेडिकल अधिकृत लगायत कुल दरबन्दी २२ जनाको भएपनि करारसहितगरी हाल ११ जना चिकित्सक कार्यरत रहेको जिल्ला अस्पताल बैतडीका नयाव सुब्बा उमश कुमार पन्तले जानकारी दिए ।
संघीय सरकारले ५० सैयाको अस्पताल सञ्चालनको स्वीकृत दिएको भएपनि प्रदेश सरकारले आवश्यकता अनुसारको बजेट व्यवस्थापन गर्न नसक्दा ५० शैयाको अस्पताल सञ्चालन गर्न नसकिएको उनले बताए ।
सुदूरपश्चिम स्वास्थ्य निर्देशनालय र निक साइमन इन्च्यिुटले गरेको सयुक्त अनुगमनले जिल्ला अस्पताल न्युनतम स्वास्थ्य सेवा मापदण्डका आधारमा ९३ अंकका उत्कृष्ट देखिएको छ ।

प्रकाशित मिति: बिहीबार, पुस १९, २०८० १९:४४

प्रतिक्रिया दिनुहोस्