बैतडीको पुर्चौंडीले वडामै पुगेर योजनाको सम्झौता गर्ने

प्रदेश समाचार

Home
प्रदेश समाचार
बैतडीको पुर्चौंडीले वडामै पुगेर योजनाको सम्झौता गर्ने

बैतडीको पुर्चौंडीले वडामै पुगेर योजनाको सम्झौता गर्ने

बैतडीको पुर्चौंडी नगरपालिकाले वडामै पुगेर चालु आर्थिक बर्षमा सञ्चालन हुने योजनाहरुको सम्झौता गर्ने भएको छ । आइतबारदेखि वडामै पुगेर योजनाहरुको सम्झौता र अभिमुखीकरण कार्यक्रम सञ्चालन गर्ने तयारी भएको प्रमुख प्रशासकीय अधिकृत विनोदकुमार कुँवरले बताए ।

आइतबार वडा नं १० को कार्यालयमा योजनाहरुको सम्झौता र अभिमुखीकरण कार्यक्रम सञ्चालन गरिने प्रमुख प्रशासकीय अधिकृत कुँवरले बताए । यस्तै पौष २३ गते वडा नं. ९ को कार्यालयमा योजनाहरुको सम्झौता र अभिमुखीकरण कार्यक्रम सञ्चालन गरिनेछ ।

वडा नं २ र ३ का योजनाहरुको यही पौष २४ गते विणेश्वर माविमा, वडा नं ४ र ५ का योजनाहरुको सम्झौता र अभिमुखीकरण कार्यक्रम पौष २५ गते वडा नं ५ को कार्यालयमा गरिने प्रमुख प्रशासकीय अधिकृत कुँवरले बताए ।

यस्तै पौष २६ गते वडा नं ६ का योजनाहरुको वडा कार्यालयमा, वडा नं १, ७ र ८ का योजनाहरुको सम्झौता र अभिमुखीकरण कार्यक्रम पौष २७ गते नगरपालिकाको कार्यालयमा सञ्चालन गरिने बताइएको छ ।

योजनाहरुको सम्झौताका लागि नगरबासीहरुलाई सहज होस भनेर वडाहरुमै गएर योजनाको सम्झौता र अभिमुखीकरण कार्यक्रम सञ्चालन गरिने नगर प्रमुख दीपकबहादुर बमले बताए ।