सापकोटा दाजुभाईले उपलब्ध गराए पत्ताल भुवनेश्वर आविका विद्यार्थीलाई न्यानो लुगा

प्रदेश समाचार

Home
प्रदेश समाचार
सापकोटा दाजुभाईले उपलब्ध गराए पत्ताल भुवनेश्वर आविका विद्यार्थीलाई न्यानो लुगा

सापकोटा दाजुभाईले उपलब्ध गराए पत्ताल भुवनेश्वर आविका विद्यार्थीलाई न्यानो लुगा

बैतडी,
बैतडीको सुर्नया गाउँपालिका–२ स्थित पत्तालभुवनेश्वर आधारभूत विद्यालयका बालबालिकाहरुलाई न्यानो लुगा वितरण गरिएको छ । हाल अमेरिका बस्दै आएका बसन्त सापकोटा र उहाँका भाई सहदेब सापकोटाले पत्ताल भुवनेश्वर आधारभूत विद्यालयमा अध्यायनरत सबै बालबालिकाहरुलाई न्यानो लुगा उपलब्ध गराएका हुन् ।
सापकोटा दाजुभाईले उपलब्ध गराएको न्यानो लुगा बैतडीका सामाजिक अभियान्ता भुवि बिष्ट र लक्ष्मी बिष्टले आइतबार विद्यालयमै पुगेर वितरण गरेका हुन् । न्यानो लुगा अन्तरगत स्वीटर, टापी, जुत्ता र मोजा रहेका छन् ।

कठ्याङ्ग्रीदो चिसोमा टिनको टहरामुनी बसेर अध्यायन गर्न बाध्य बालबालिकाहरुलाई सापकोटा दाजुभाईले न्यानो लुगा उपलब्ध गराएका हुन् ।
सापकोटा दाजुभाईले उपलब्ध गराएको न्यानो लुगा पाएपछि बालबालिकाहरुले खुशी व्यक्त गरेका थिए । ‘विद्यालय पोसाकको न्यानो स्वीटर पायौँ, सहयोग गर्ने सापकोटा दाजुभाईलाई हार्दिक धन्यवाद,हामि खुसी छौँ,’ कक्षा ५ मा अध्यायनरत मनोज बिष्टले भने ।

भौतिक संरचनाको चरम अभावमा गुज्रिरहेको उक्त विद्यालयमा टिनको टहराले छाएको ३ कोठा मात्रै रहेका छन् । यही अवस्था देखेर सापकोटा दाजुभाईले उक्त विद्यालयमा अध्यायनरत बालबालिकालाई न्यानो लुगा दिने घोषणा गरेका हुन् ।
पत्ताल भुवनेश्वर आधारभुत विद्यालयका प्रद्यानाध्यापक दिपा बिष्टले बालबालिकाको समस्या बुझेर न्यानो लुगा सहयोग गर्नुभएको सापकोटा दाजुभाईलाई धन्यवाद ज्ञापन गर्नुभयो ।
सापकोटा दाजुभाईले व्यक्तिगतरुपमा विपन्न, टुहुरा, अनाथ तथा असहायहरुलाई आवश्यकता अनुसारको सहयोग प्रदान गर्दै आएका छन् ।
पाटन नगरपालिका–९ का ३ जना असहाय बालबालिकालाई छात्रबासमै राखेर अध्यायन गराइरहेका छन् । उनको लालनपालनको सबै जिम्मेवारी सापकोटा दाुजभाईले व्यहोर्दै आएका छन् । यसैगरी पाटन नगरपालिका–१० की छात्रालाई उच्च शिक्षा हासिलका लागि पूर्ण सहयोग गरेका छन् ।
केही मानसिक रोगीको उपचार सहित लालनपालनको जिम्मेवारी सापकोटा दाजुभाईले गर्दै आएका छन् ।