बैतडी,
बैतडीका ५ वटा विद्यालयमा कान्छीमाया तामाङ फाउन्डेसन नेपालले न्यानो लुगा वितरण गरेको छ । ज्येष्ठ नागरिकहरुलाई सम्मान, विद्यार्थीहरुलाई प्रोत्सहान भन्ने अभियानका साथ बोधीसत्तो बिहारको आर्थिक सहयोग र कान्छीमाया तामाङ फाउन्डेसनको सहकार्यमा न्यानो लुगा वितरण गरिएको हो ।
बैतडीको सिगास गाउँपालिकाका–१ स्थित भुमिराज स्वामी आधारभूत विद्यालय, वडा नं २ को कैलपाल आधारभूत विद्यालय, पाटन नगरपालिका –१० को सरस्वती मावि र ब्रहम आधारभूत विद्यालय तथा सुर्नया गाउँपालिका–३को बाशुदेव आधारभूत विद्यालयमा अध्यायनरत बालबालिका र सेवा क्षेत्रभित्रका ज्योष्ठ नागरिकहरुलाई न्यानो लुगा स्वीटर र ज्याकेट वितरण गरिएको फाउन्डेसनका संस्थापक अध्यक्ष डा. दिल बहादुर तामाङले जानकारी दिए । कीप नपालको सहकार्यमा विद्यालय भवन सञ्चालन भइरहेको विद्यालय सेवा क्षेत्रका बालबालिका र बृद्धबृद्धाहरुलाई न्यानो लुगा वितरण गरिएको उनले बताए ।
कान्छीमाया तामाङ फाउन्डेसनका संस्थापक डा. दिल बहादुर तामाङ, कीप नेपालका संयोजक तारादत्त जोशी, पाटन–१० स्थित सरस्वती माविका विव्यस अध्यक्ष धर्मराज भट्ट लगायतको टोलीले न्यानो लुगा वितरण कार्यक्रम सम्पन्न गरेको हो । बिहिबार सुर्नया गाउँपालिकाका अध्यक्ष अमर बहादुर कुवँरको प्रमुख आतिथ्यतामा वडा नं ३ स्थित बाशुदेव आधारभूत विद्यालयमा न्यानो लुगा वितरण गरिएको थियो ।
त्यसैगरी बुधबार सिगास गाउँपालिका–२ स्थित कैलपाल आधारभूत विद्यालयमा सिगास गाउँपालिका उपाध्यक्ष धाना धामीको प्रमुख आतिथ्यतामा न्यानो लुगा वितरण गरिएको थियो । सोहीदिन पाटन–१० स्थित ब्रहम आधारभूत विद्यालयमा वडा अध्यक्ष धन बहादुर कुवँरको प्रमुख आतिथ्यतामा न्यानो लुगा वितरण गरिएको हो ।
बैतडीमा ३७४ बालबालिकाहरुलाई र १८६ ज्येष्ठ नागरिकहरुलाई ज्योकट तथा स्वीटर वितरण गरिएको फाउन्डेसनले जनाएको छ । चिसो मौसममा न्यानो लुगा पाउदा बालबालिका र बृद्धबृद्धा खुसी भएका छन् ।
यस फाउन्डेसनले दलित, असहाय, गरिब जेहेनदार तथा अनाथ बालबालिकाहरुलाई पढाउने काम पनि गरिरहेको छ । यसैगरी ग्रामिण क्षेत्रमा स्वास्थ्य शिविरको आयोजना पनि गर्दै आएको छ । यस वर्षको हिउँदमा बैतडी सहित डोल्पा सरलाही लगायतका क्षेत्रमा न्यानो लुगा तथा कम्बल वितरण गरेको छ ।
न्यानो लुगा वितरण कार्यक्रममा पाउन्डेसका सञ्चालक तामाङ, कीप नेपालका संयोजक तारादत्त जोशी लगायतको टिलाई विद्यालयहरुमा छनिया नाचका प्रदर्शन सहित भव्यताका साथ स्वागत गरिएको थियो ।
२०७२ सालको भुकम्पमा पनि सरकारलाई १२ लाख आर्थिक सहयोग गरेको फाउन्डेसनले कोरोनाकालमा पनि देशका विभिन्न ठाउँमा स्वास्थ्य चेकजाच कार्यक्रम र स्वास्थ्य शिविरको आयोजना गरेको थियो । यसैगरी गत कार्तिकमा जाजरकोट केन्द्रबिन्दु भएर गएको भुकम्पमा परी प्रभावित नागरिकहरुलाई पनि राहातका कार्यक्रम गर्दै आएको संस्थापक डा. दिल बहादुर तामाङले बताए ।
डा. दिल बहादुर तामाङ एमबिबिएस अध्यायनका क्रममा सडक दुर्घटनामा परी आमा कान्छीमाया तामाङको निधन भएपछि, दिल बहादुरले उनको नामबाट फाउन्डेसन स्थापना गर्दै समाजिक परोपकारको काम गर्दै आएका छन् । करिब ११० जनालाई यस फाउन्डेसनले अध्यायन गराइरहेको छ । यसैगरी नशुल्क स्वास्थ्य उपचारको लागि भन्दै अस्पताल निर्माण गरिरहेको छ । केही स्थानीय तहहरुलाई एम्बुलेन्स पनि उपलब्ध गराएको छ ।
