जनताको जनगुनासो, समस्याको अभिलेख राखी सरकार नेतृत्वलाई बुझाएर समस्याको समाधानको लागि सक्रिय रहनु भएकी सावित्रि अधिकारीलाई प्रधानमन्त्रीकै सचिवालयबाट हटाइएपछि बिरोध हुन थालेको छ । आम नागरिकको समस्या र पार्टीका पनि समस्या तथा सुझावहरु प्रधानमन्त्रीसमक्ष बुझएर कुसलतापुर्वक उचित सल्लाह सुझाव प्रदान गरिरहेकी सावित्रि अधिकारीलाई हटाइएपछि सरकार नेतृत्वको सम्बन्ध टुट्ने भन्दै बिरोध भइरहेको हो ।
आम सर्बसाधारण तथा पार्टी प्रतिनिधिहरुको सुझाव संकलन गरि पार्टी नतृत्वलाई सही दिशामा डोहो¥याउने काम गरिरहेकै अवस्थामा उनलाई हटाइएपछि जनता र सरकारको सम्बन्ध साँघुरो हुने जोखिम रहेको नेकपा माओवादी केन्द्र पाटन नगरपालिका इन्चार्ज समेत रहेका वडा नं ८ का वडा अध्यक्ष हरिश बिष्टले बताए ।
सचिवालयमा योज्ञ रहेकी अधिकारीलाई हटाउन गलत भएको उनको भनाइ छ ।
‘समस्यामा परेका मन्छेहरुलाई सहयोग गर्न पछि नपर्ने मान्छे सावित्रि अधिकारी हुन्, मान्छेहरु चिनेका हुन् वा नचिनेका सबैलाई समान व्यवहार गर्नुहुन्थ्यो, सबै कुरा सरकार नेतृत्वसमक्ष पु¥याउनुहुन्थ्यो, उहाँ जत्तिको योज्ञ मान्छे सचिवालयमा रहनुपर्छ,उहालाई हटाउनु दुर्भाग्य हो’ उनले भने ।
‘सचिवालयमा थुप्रै ब्यक्तिहरु राखिएका छन, तर जनताका जनगुनासो सुन्ने एउटा, योज्ञ नारीलाई हटाउन कति जायज छ, जनताको मनोभावना पिडित दुःखमा परेका ब्यक्तिहरुको भावना बुझेर सचिवालय हुदै, प्रधानमन्त्री ज्युसमक्ष सुझाव र गुनासाहरु पु¥याएर जनता र सरकारको सम्बन्ध बलियो बनाउदै आउनुभएकी अधिकारीलाई हटाउन कतीको जायज छ? कार्यकर्ता र आम जनसमुदायले प्रश्न गर्ने गरेका छन?’ अध्यक्ष बिष्टले भने ।
सुदूरपश्चिमबाट सचिवालयमा अन्य प्रतिनिधि भएपनि सावित्रि अधिकारीले आफु पिडामा पर्दा निश्वार्थ भावनाले सहयोग समन्वय गर्ने गरेको उनले बताए । ‘मोटरसाइकल दुर्घटनामा परी महिनौँसम्म अस्पतालमा बसे, यहाँका प्रतिनिधिहरु पनि सचिवालयमा छन्, कोही भेट्न आएनन्, उनले भने, बेलाबेला अस्पतालमा आएर हौँसला प्रदान गर्नुका साथै, स्वास्थ्यका अवस्था बुझेर जानुहुन्थ्यो ।’ बिष्टले भने ।
