मेलौली–३ मा अलपत्र छाडिएका पोल व्यवस्थापन, तार तान्ने काम सम्पन्न

प्रदेश समाचार

Home
प्रदेश समाचार
मेलौली–३ मा अलपत्र छाडिएका पोल व्यवस्थापन, तार तान्ने काम सम्पन्न

मेलौली–३ मा अलपत्र छाडिएका पोल व्यवस्थापन, तार तान्ने काम सम्पन्न

बैतडी,
बैतडीको मेलौली नगरपालिका–३ को कुजागाड टोलमा गत वर्ष नै विद्युतीकरण गर्न छुटेका पोलहरुमा तार तान्ने काम सम्पन्न भएको छ ।
अलपत्र अवस्थामा छाडिएका करिब एक दर्जन पोलहरुमा तार तान्ने काम सम्पन्न भएको बताइएको छ । पुष पहिलो साता त्यहाका स्थानीयहरुले तार तान्न बाँकी रहेको पोलहरुमा विद्युतीकरणको लागि वितरण केन्द्रका प्रमुख जनार्दन पौडेललाई जानकारी गराएका थिए । त्यसपछि लगत्तै स्थलगत अनुगमन गरेका पौडेलले विद्युतीकरणको लागि आवश्यक पर्ने तारको व्यवस्थापनगरी काम अघि बढाएका थिए । छुटेका पोलहरुमा पुष अन्तिम साता नै तार तान्ने काम सम्पन्न भएको हो । अहिले त्यहाँका स्थानीयहरुले मिटरबक्स खरिद गरी जडानको प्रक्रियामा रहेका छन् ।
यसैगरी उक्त वडाको अन्य टोलहरुमा विद्युतीकरणको लागि वडा अध्यक्ष लगायत सबैसँग आवश्यक समन्वय गरी पहल भइरहेको विद्युत वितरण केन्द्र बैतडीका प्रमुख पौडेलले बताए ।
बैतडीमा पूर्ण विद्युतिकरण परियोजना लागु भएकाले पनि विद्युतीकरणमा तिब्रता दिइदै छ ।
पूर्ण विद्युतिकरण परियोजनाको ठेक्का खोलेर काम समेत सुरु भएको विद्युत वितरण केन्द्रका सुपरभाइजर माधव लेखकले जानकारी दिए । यो ठेक्का केन्द्रबाटै खोलिएको हो । निर्माण सुरु गरेको कम्पनीले तार र पोलहरु ल्याउने काम गरिरहेको छ ।

प्रकाशित मिति: शनिबार, माघ ६, २०८० २१:०५

प्रतिक्रिया दिनुहोस्