बैतडीमा बँदेलको आक्रमणबाट २ जना गम्भिर घाइते

प्रदेश समाचार

Home
प्रदेश समाचार
बैतडीमा बँदेलको आक्रमणबाट २ जना गम्भिर घाइते

बैतडीमा बँदेलको आक्रमणबाट २ जना गम्भिर घाइते

बैतडी,
बैतडीको मेलौली नगरपालिका–२ सलेनामा बँदेलको आक्रमणबाट दुई जना घाइते भएका छन् । घाइते हुनेमा सलेनाका अन्ताजी ३२ वर्षीय ओम प्रकाश जोशी र सोही वडा घाङल बस्ने मने दयालकी ९ वषीया छोरी करिस्मा दयाल रहेकी छन् ।
आइतबार ३ बजेको समयमा घरमै बसीरहेका जोशीमाथी बदेलले आक्रमण गरी घाइते बनाएको हो, भने ९ वर्षीया बालिकालाई पनि आइतबार करिब ५ बजेको समयमा घर नजिकै घाइते बनाएको हो ।
बालिकाको आखामा गम्भिर चोट लागेको छ भने जोशीको खुट्टामा गम्भिर चोट लागेको आफन्त प्रकाश जोशीले जानकारी दिएका छन् । घाइते जोशी र दयाललाई सलेना स्वास्थ्य चौकीमा सामान्य उपचारपछि डडेल्धुरा रेफर गरिएको छ ।
यही पुष ११ गते पनि सोही वडाका राम बहादुर चन्दलाई पनि बँदेलको बथानले आक्रमण गरी घाइते बनाएको थियो । दिनदाहाडै बदेलले मानिसमाथि आक्रमण गर्न थालेको स्थानीयहरु त्रसित बनेका छन् ।
मेलौली नगरपलिका–२ र ३ बँदेल आतंकित क्षेत्र हो । यहाँ वर्षैपिच्छे बदलेजन्य घटना भइरहने गरेका छन् । बदेँलका कारण खाद्यान्न तथा अन्न बाली जोगाउनै धौधौ हुने गरेको र मानिसहरुमाथि पनि आक्रमण गर्ने गरेका घटनाहरु भइरहेका छन् ।
हालै सरकारले बँदेलले आक्रमण गर्दा वा खाद्यान्न बालीमा क्षति पु¥याएका बखत मार्न समेत सकिने प्रावधान ल्याएको छ । यस्तो अवस्थामा कुनै कानुन नलाग्ने सरकारले ल्याएको प्रावधानमा उल्लेख गरिएको छ ।

प्रकाशित मिति: आइतबार, माघ ७, २०८० १७:४४

प्रतिक्रिया दिनुहोस्