बैतडी।
‘जिब्रो’ अस्वभावीक रुपले बढेकाले उनलाई खान खान र बोल्न समस्या छ, मुख छोपेर बसेकी हुन्छीन् भने, स्कूल पढ्न पाएकी छैनन् ।
बैतडीको डिलाशैनी गाउँपालिका–०५की नन्दा भूलको जिब्रो अस्वभावीक रुपले बढेको छ । जिब्रोको साइज मुखबाट करिब ५ इन्च बाहिर आएको छ । उनको जिब्रोमा १२ बर्ष पहिल्यै समस्या आएको भएपनि परिवारजनले उपचार गराउन सकेका छैनन् ।
जिब्रोमा समस्या भएकी नन्दा तरल पदार्थ बाहेक अन्य खानेकुरा खानै सक्दैनन् । सुरु सुरुमा जिब्रोको दायाँबायाँ भागबाट खानाखाने गरेपनि त्यो पनि बन्द भएपछि खाना खानै सकिनन् भने, बोल्न समेत समस्या हुने गरेकोछ ।
नन्दाको परिवारसंग खर्च नभएपछि उपचार गराउन नसकिएको हो ।
उनको अवस्था थाहा पाएपछि वडाअध्यक्ष यज्ञराज भट्टको पहलमा गत साउन महिनामा काठ्माण्डौँ कृतिपूर स्थीत अस्पतालमा भर्ना गरिएको थियो ।
करिव २ महिना उपचार गराएपछि अप्रेसन गरेकोमा उनको आधा जिब्रो काटेर अर्पेसन गरिएकोछ । तर दोश्रो पटकको अप्रेसनका लागि काठ्माण्डौँ जान आर्थिक अभाव भएको छ । नन्दाका बुवा अनिरामले भने,‘उपचार गर्नका लागि हामिसंग पैसा भएको भए १२ बर्षअघि समस्या थाहा पाएका हौँ अहिलेसम्म उपचार भैसक्थ्यो, तर पैषा नभएर रोग पालेर घरमै थन्क्याउन बाध्य भयौँ, नन्दा स्कूल समेत गइनन् ।’
वडा न.५का अध्यक्ष भट्ट उनको घरमा पुगेका बेला नन्दा जिब्रो छोपेर बसेकी थिइन् । के भयो मुख देखाउ भनेपछि लाज मानेर जिब्रो देखाइन् । जिब्रो अस्वभावीक देखेपछि उनले सामाजिक सञ्जालमा फोटो पोष्ट गर्दै सहयोगको अपिल गरे । त्यसपछि ५०हजार रकम संकलन भयो भने, ५०हजार गाउँपालिकाबाट उपचार खर्च उपलब्ध गराइयो । यसकासाथै गाउँपालिकाकै पहलमा काठ्माण्डौँमा निशुल्क उपचारका लागि आग्रह गरियो ।
अनिरामका अनुसार जनप्रतिनिधिकै पहलमा ६–७ लाख रकमको निशुल्क उपचार गरिएको छ । तर काठ्माण्डौँ जस्तो ठाउँमा २महिना खानबस्न धेरै पैषा चाहिन्छ । नन्दाको दोश्रो अप्रेसनका लागि मंसिर महिनामै काठ्माण्डौँ बोलाएपनि परिवारले लैजान सकेको छैनन् ।
कतै दाताहरुबाट उपचारखर्च पाएपछि उपचारमा काठ्माण्डौँ लैजाने नन्दका बुवा अनिराम बताउछन् । उनले भने,‘आयश्रोत केहिपनि छैन्, सडकमा ढुंगा फुटाएर छाक टार्ने काम गर्छौ, अहिले मजदुरी गर्न समेत केहि काम पाइदैन् । उपचार खर्च कहाँबाट जुटाउने ? ऋण निकाल्न कसैले पत्याउदैनन्, ऋण तिर्ने आधार पनि छैन् ।’ सहयोगी मन भएका दाताहरुबाट आर्थिक सहयोग भएमा जिवनभरी आभारी हुने उनले बताए ।
