भुकम्पले जिर्ण बनाएको बैतडीको गुजर माविको भवन मर्मत भएन, अध्यापनमा समस्या

प्रदेश समाचार

Home
प्रदेश समाचार
भुकम्पले जिर्ण बनाएको बैतडीको गुजर माविको भवन मर्मत भएन, अध्यापनमा समस्या

भुकम्पले जिर्ण बनाएको बैतडीको गुजर माविको भवन मर्मत भएन, अध्यापनमा समस्या

बैतडी,
बैतडीको पाटन नगरपालिका–३ को गुजर माध्यामिक विद्यालय, गुजरमा भुकम्पले जिर्ण बनाएको भवन मर्मत नहुदा पठनपाठनमा निकै समस्या भएको छ । गत असोज १७ गते बझाङ केन्द्रबिन्दु भएर गएको भुकम्पका कारण जिर्ण बनेको भवन संरचना अझैसम्म पनि मर्मत हुन नसक्दा पठनपाठन प्रभावित बनेको पाइएको हो ।

भुकम्पका कारण चार वटा कोठ चिर्किएर निकै जिर्ण रहेकाले मर्मत हुन नसक्दा समस्या भएको विद्यालयले जनाएको छ ।
विद्यालयसँग मर्मतको लागि श्रोत नरहेको र नगरपालिका लगायत प्रदेश सरकारसँग समेत आवश्यक बजेट माग गरिएको भएपनि कुनै सुनुवाई हुन नसकेको विद्यालयका प्रद्यानाध्यापक मदनराज अवस्थीले जानकारी दिए ।
जिर्ण बनेका कोठामा विद्यार्थीहरु बसाउन नसक्ने अवस्था रहेकाले बाहिर नै राखेर अध्यापन गराउनुपरेको उनले बताए । दशै विदापछि कक्षा ३, ४, ५ र ६का विद्यार्थीहरुलाई बाहिरै बसाएर अध्यापन गराइ रहेको उनले बताए ।
प्रस्तावित मावि रहेको विद्यालयमा आवश्यकता अनुसार शिक्षक दरबन्दी नहुदा पनि समस्या भइरहेको विद्यालयले जनाएको छ ।
निजि श्रोत र नगर शिक्षकको भरमा विद्यालय चलाइएको छ । विद्यालयहरुको मर्मत सम्भार गरिने नगरपालिकाले जनाएको छ । भुकम्पले क्षति पुगेका विद्यालयको विवरण संकलन गरिएको र सबै विद्यालयको मर्मत सम्भार गरिने नगरपालिकाको भनाइ छ ।

प्रकाशित मिति: मंगलबार, माघ ९, २०८० १९:३८

प्रतिक्रिया दिनुहोस्