बैतडीः बाल श्रममुक्त स्थानिय तह घोषणा कार्यक्रम कार्यान्वयनका लागि अभिमुखीकरण कार्यक्रम सम्पन्न

प्रदेश समाचार

Home
प्रदेश समाचार
बैतडीः बाल श्रममुक्त स्थानिय तह घोषणा कार्यक्रम कार्यान्वयनका लागि अभिमुखीकरण कार्यक्रम सम्पन्न

बैतडीः बाल श्रममुक्त स्थानिय तह घोषणा कार्यक्रम कार्यान्वयनका लागि अभिमुखीकरण कार्यक्रम सम्पन्न

बैतडीको खोड्पेमा बाल श्रममुक्त स्थानिय तह घोषणा कार्यक्रम कार्यान्वयन लागि वडा स्तरीय अभिमुखीकरण कार्यक्रम सम्पन्न भएको छ । श्रम रोजगार तथा सामाजिक सुरक्षा मन्त्रालय र पाटन नगरपालिकाका सहयोग तथा ग्रामीण विकास सेवा केन्द्र बैतडीको सहजीकरणमा बुधबार उक्त कार्यक्रम गरिएको हो ।

जनप्रतिनिधी, खोड्पे बजार समितिका पदाधिकारी बाल क्लब, होटेल व्यवसायी, यातायत व्यवसायी सुरक्षाका निकायका प्रतिनिधी लगायत सरोकारवालासंग बाल श्रममुक्त स्थानिय तह घोषणा कार्यक्रम कार्यान्वयनका लागि अन्तरक्रिया गरिएको ग्रामीण विकास सेवा केन्द्र बैतडीका कार्यक्रम संयोजक भगीरथ जोशीले बताए । साथै बजारहरुमा सञ्चालनमा रहेका होटल, सवारी साधनहरुमा बाल श्रमीकहरुको प्रयोग भए नभएको पनि अनुगमन गर्ने कार्य समेत भैरहेको उनले जानकारी दिए ।

अभिमुखीकरण कार्यक्रममा सहभागीहरुले पछिल्लो समयमा बाल श्रम गर्ने क्रम घटेको बताएका छन् । २०७२ सालमा साविकको सिद्धेश्वर गाविसलाई बालमैत्री गाविस घोषणा गरेपछि बजार लगायत अन्य क्षेत्रमा बाल श्रम गर्नेको सङ्ख्या शून्य जस्तै बनेको खोड्पे बजार व्यवस्थापन समितिका अध्यक्ष राम सिंह बिष्टले बताए ।

कार्यक्रममा बोल्दै पाटन नगरपालिका वडा नम्बर ८ का वडाअध्यक्ष हरिश बिष्टले बाल श्रममुक्त स्थानिय तह घोषणा कार्यक्रम कार्यान्वयनका लागि वडाबाट गर्न सकिने प्रयासहरु निरन्तर गर्ने प्रतिवद्धता जनाउनुभयो ।

बाल श्रममुक्त स्थानिय तह घोषणा कार्यक्रम कार्यान्वयन लागि वडा स्तरीय अभिमुखीकरण कार्यक्रम श्रम रोजगार तथा सामाजिक सुरक्षा मन्त्रालय र पाटन नगरपालिकाका सहयोग तथा ग्रामीण विकास सेवा केन्द्र बैतडीको सहजीकरणमा नगरपालिकाका १० ओटै वडाहरुमा सञ्चालन हुने कार्यक्रम संयोजक जोशीले जानकारी दिए ।

प्रकाशित मिति: बुधबार, माघ १०, २०८० १७:५१

प्रतिक्रिया दिनुहोस्