पाटन–१०को स्वास्थ्य चौकीमा कास नियुक्तीको विषयमा विवाद, छानबिनको माग

प्रदेश समाचार

Home
प्रदेश समाचार
पाटन–१०को स्वास्थ्य चौकीमा कास नियुक्तीको विषयमा विवाद, छानबिनको माग

पाटन–१०को स्वास्थ्य चौकीमा कास नियुक्तीको विषयमा विवाद, छानबिनको माग

बैतडीको पाटन नगरपालिका–१० स्थित सिद्धपुर स्वास्थ्य चौकीमा कार्यालय सहयोगी÷स्वीपर पदमा नियुक्त गरिएको कर्मचारीको बारेमा छानविनको माग गरिएको छ । २०८० साउनदेखि काम गर्दै आएकी चन्द्रा भट्टले हालै नयाँ स्वीपर नियुक्तीको विषयमा छानबिनको माग राख्दै निवेदन दिएकी हुन् ।
गत साउन ६ गतेदेखि काम गर्दै आएको उल्लेख गर्दै यस अवधिको पारीश्रमिक समेत उपलब्ध नगराएको निवेदनमा उल्लेख गरिएको छ । चन्द्रालले पनि बिना नियुक्ती काम गरिरहेको पाएइको छ ।

२०८० साउन ५ गते कार्यालय सहयोगी धाना भट्टले पदबाट राजिनामा दिएपछि पद रिक्त रहेको थियो । त्यसको भोलीपल्ट(२०८०÷४÷६)देखि स्वयमसेविका समेत रहेकी चन्द्रदेवि भट्टले काम गरेको देखिएका छ । उनले बिना नियुक्ती लगातार काम गरी हाजिर लगाउदै आएको पाइएको छ । त्यसपछि २०८० मंसिर १३ गते बसेको स्वास्थ्य चौकी व्यवस्थापन समितिको बैठकले चन्द्रालाई सोही पदमा व्यवस्थापन गराइदिन कार्यपालिकालाई अनुरोध गर्ने निर्णय गरेको खुलेको छ ।

Baithak fnl1706603682.jpg

“चन्द्राले २०८०÷४÷६ गतेदेखि हालसम्म कामकाज गरिराखेको र कामकाज सन्तोषजनक गरिराख्नु भएकाले निजलाई नै यस कार्यालयमा स्वीपर पदमा व्यवस्थापन गराइदिन कार्यपालिकालाई अनुरोध गर्ने निर्णय सर्बसम्मतबाट पारित गरियो ।” निर्णयमा भनिएको छ ।
मंसिर ८ गते सो निर्णय गरिएपछि पुष ४ गते पाटन नगरपालिकालाई सो निर्णयको जानकारी गराइरहेको छ । तर नगरपालिकाले उक्त पदमा विज्ञापन आह्वान गरेको थियो । माघ १४ गतेको परीक्षाबाट सफल नभएकी चन्द्र बैकल्पीक उम्मेदवारको सुचिमा राखिएको छ । उक्त बिज्ञापनबाट माया भट्ट नियुक्त भएकी छन् ।
त्यसपछि सोमबार चन्द्राले उक्त परीक्षाको विषयमा छानबिनको माग गर्नै न्यायिक समितिमा निवेदन पेश गरेकी छन् । २०६६ सालदेखि स्वयमसविकामा कार्यरत रहेको र यसअघि पनि काम गर्दै आएको दावी गरेकी छन् ।

नगरपालिकाले सञ्चालन गरको यो परीक्षाको विषयमा छानबिनको लागि चन्द्रा भट्टले नगरपालिकाको न्यायिक समितिमा निवेदन पेश गरेकी हुन् ।
आफुलाई यसअघि स्वास्थ्य चौकी व्यवस्थापन समितिले काममा लगाएको र साउनयताको पारीश्रमिक समेत उपलब्ध नरगाएको निवेदनमा उल्लेख गरेकी छन् ।
यसअघि स्वयमसेविकाको रुपमा कार्यरत रहेको र कामकाज गरिरहेको अवस्थामा आफुलाई हटाउन प्रपन्च रचेको निवेदनमा उल्लेख गरेकी छन् । नगरपालिबाट न्याय नपाएको अवस्थामा जिल्ला प्रशासनमा निवेदन दिने चन्द्रा भट्टका श्रीमान लक्ष्मीदत्त भट्टले बताए ।
तर पाटन नगरपालिकाको प्रशासन साखाका अनुसार स्वास्थ्य चौकी व्यवस्थापन समितिले गरेको निर्णयमा नै त्रुटी देखाएको छ ।
“फलानो कर्मचारीलाई व्यवस्थापन गर भनेर समितिले निर्णय गर्न पाइदैन, तर रिक्त रहेको उक्त पदमा विज्ञापन आह्वानको माग गर्नेबारे निर्णय गर्न पाइन्छ,” प्रशासन श्रोतले भन्यो ।
यस विषयमा वडा अध्यक्ष एवं स्वास्थ्य चौकी व्यवस्थापन समितिका अध्यक्ष समेत रहेका धन बहादुर कुवँरले आफुहरुले नियुक्त गर्ने निर्णय नगरेको र व्यवस्थापनका लागि मात्रै निर्णय गरेको बताए । चन्द्राले हाजिर लगाइरहेको विषयमा गरिएको प्रश्नमा अध्यक्ष कुवँरले भने, ‘हाजिर लगाएको विषय मलाई सोध्ने विषय होइन, इन्चार्जलाई सोध्ने विषय हो,’ उनले भने ।
स्वास्थ्य चौकी व्यवस्थापन समितिबाट कार्यालय सहयोगीको रुपमा राख्ने भनिएको र उनले काम गर्न आउदा हाजिर लगाउनु स्वभाविक भएको स्वास्थ्य चौकी इन्चार्ज महेन्द्र बोहराले बताए ।

प्रकाशित मिति: मंगलबार, माघ १६, २०८० १४:१४

प्रतिक्रिया दिनुहोस्