मेलौलीको विद्युत सवस्टेसन यसै आर्थिक वर्षभित्र सम्पन्न हुन्छः वितरण केन्द्र बैतडी

प्रदेश समाचार

Home
प्रदेश समाचार
मेलौलीको विद्युत सवस्टेसन यसै आर्थिक वर्षभित्र सम्पन्न हुन्छः वितरण केन्द्र बैतडी

मेलौलीको विद्युत सवस्टेसन यसै आर्थिक वर्षभित्र सम्पन्न हुन्छः वितरण केन्द्र बैतडी

बैतडीको मेलौली नगरपालिका–१ बिठ्ठनेमा निर्माणाधीन विद्युत सवस्टेसन यसै आर्थिक वर्षभित्र सम्पन्न हुने वितरण केन्द्र बैतडीले जनाएको छ । मेलौली नगरपालिकासहित शिवनाथ र पञ्चेश्वर गाउँपालिकाको विद्युतीकरणमा जोड दिनको लागि निर्माण हुन गइरहेको सबस्टेसन यही आर्थिक वर्षभित्रै निर्माण सम्पन्न हुने वितरण केन्द्र बैतडीका प्रमुख जनार्दन पौडेलले जानकारी दिए ।

प्रदेश कार्यालयबाट खोलिएको ठेक्का भएपनि जिल्लाबाट आवश्यक समन्वय र पहल भइरहेको वितरण केन्द्र प्रमुख पौडेलले बताए । ठेक्काको म्याद सकिएको भएपनि निर्माण सम्पन्न नभएको पाइएपछि सम्बन्धित पक्षसँग समन्वय भइरहेको उनले बताए ।

सबस्टेसन निर्माण भई प्रयोगमा ल्याउन सके तल्लो स्वराड क्षेत्रको विद्युतीकरणमा निकै सहयोग पुग्ने विश्वास गरिएको छ । जिल्लाको पाटन र मेलौलीमा एकै पटक विद्युतका सबस्टेसन प्रयोगमा ल्याउने तयारी भइरहेको छ । वितरण केन्द्रले जिल्लाका ग्रामिण क्षेत्रमा विद्युत विस्तारको कामलाई निरन्तरता दिइरहेको छ ।

राष्ट्रिय प्रशारण लाईन नपुगेको जिल्लाको एक मात्रै स्थानीय तहको रुपमा रहेको शिवनाथमा पनि एक हप्ता पहिले विद्युत पु¥याइएको छ । पालिकाको ग्रामिण क्षेत्रमा विद्युत विस्तार भइरहेको गाउँपालिकाले जनाएको छ ।

प्रकाशित मिति: बिहीबार, माघ १८, २०८० १७:३०

प्रतिक्रिया दिनुहोस्