भलिबलमा उत्कृष्ट सिगासका १६ वर्षीय रेमनः‘प्रतिस्पर्धीका लागि फलामको चिउरा’

प्रदेश समाचार

Home
प्रदेश समाचार
भलिबलमा उत्कृष्ट सिगासका १६ वर्षीय रेमनः‘प्रतिस्पर्धीका लागि फलामको चिउरा’

भलिबलमा उत्कृष्ट सिगासका १६ वर्षीय रेमनः‘प्रतिस्पर्धीका लागि फलामको चिउरा’

बैतडी,
बैतडीको मेलौलीमा सम्पन्न १४ औं जिल्लास्तरीय राष्ट्रपति रनिङ शिल्ड प्रतियोगितामा भलिबलमा छात्रतर्फ उत्कृष्ट प्रदर्शन गरेका सिगास गाउँपालिका रेमन बिक जिल्लाभरी भलिबलमा उत्कृष्ट चुनिए । छात्रतर्फ भलिबल च्याम्पियन बनेको सिगास गाउँपालिकाका रेमन सुरुवात देखि नै निकै ओजनदार प्रदर्शन गरीरहेका थिए ।

फाइनलमा पनि उनको निकै उत्कृष्ट प्रदर्शन रह्यो । फाइनलमा दनपाका बिरुद्ध पहिलो सेट २५–१४ले हात पारेको थियो । त्यसपछि सिगास १३–२५ ले हार्न पुग्यो । अन्तिम तथा निर्णायक सेटमा केही नर्भस महसुस गरेको सिगासको टोली र दनपाबीच कडा प्रतिस्पर्धा चलेको थियो । त्यसक्रममा रेमनले केही उत्कृष्ट फिनिस टच मात्रै दिएनन्, उत्कृष्ठ बचाउ गर्दै रिसिव पनि गरिरहेका थिए । जसका बावजुद २२–२५ ले अन्तिम सेट आफ्नो पक्षमा पार्दै सिगास च्याम्पियन बनेको हो । केही खेलाडीमा नर्भसपना देखिएपनि रेमन जोसमै थिए । उनको यो खेलकला नै दनपाको लागि फलामको चिउरा सरह सावित भइरहेको थियो । रेमनले केही यस्ता फिनिस स्पाइकलाई रिसिभ गरेका थिएकी दनपाका केही खेलाडी आफ्नो पक्षमा अंक आइसकेको भन्दै सेलिब्रेसनको तयारीमा थिए । तर रेमनल आफैले रिसिव गर्दै फिनिस टच दिएर अंक खोसीरहेका थिए ।

उसो त सिगास गाउँपालिकासँग सन्तुलन टिम थियो । प्रशिक्षक दिपेन्द्र सिंह धामीले आफ्नो भलिबल क्षेत्रको लामो अनुभवलाई सदुपयोग गर्दै ब्लकर, स्पाइकरको तालमेल मिलाइरहेका थिए । जसले गर्दा सिगासले महत्वपूर्ण जित हात पारेको हो । रेमनसँगै अन्य खेलाडी अरुण बिक, धन बहादुर धामी, योगेन्द्र साउँदलगायतले पनि बलियो प्रदर्शन रहेका थिए ।

कक्षा ९ अध्यायन गरिरहेका रेमनको भलिबलमा राम्रो सम्भावना रहेको दावेदारी प्रस्तुत गरेका छन् । १६ वर्षीय रेमन सिगास वडा नं ५ को सारदा माविमा अध्यायनरत छन् । रेमनले सिगास गाउँपालिकाको सिनियर टोलीमा समेत स्थान पाइसकेका खेलाडी हुन् ।

अझै पनि जिल्लस्तरको टिममा स्थान पाएमा राम्रो खेल्न सक्ने छनक देखाएका छन् ।

प्रकाशित मिति: मंगलबार, फागुन १, २०८० १५:३८

प्रतिक्रिया दिनुहोस्