भलिबलका लागि आत्माविश्वासले भरिएकी मेलौलीकी ‘प्रफेक्ट’ भावना

प्रदेश समाचार

Home
प्रदेश समाचार
भलिबलका लागि आत्माविश्वासले भरिएकी मेलौलीकी ‘प्रफेक्ट’ भावना

भलिबलका लागि आत्माविश्वासले भरिएकी मेलौलीकी ‘प्रफेक्ट’ भावना

बैतडी,
मेलौलीमा सम्पन्न १४औं राष्ट्रपति रनिङ शिल्ड प्रतियोगितामा मेलौली नगरपालिकाले स्वर्ण हात पारेको छ । लगातार मेलौलीले शिल्ड जित्दै इतिहास कायम गरेको हो ।
रनिङ शिल्डमा चासोको रुपमा भलिबललाई हेर्ने गरिन्छ । भलिबलमा छात्रातर्फ मेलौलीले दोश्रो स्थान हासिल गरेको छ । शिवनाथसँग पराजित भएको मेलौलीले शिवनाथलाई कडा टक्कर दिइरहेको थियो ।
मेलौलीको छात्रा भलिबल टिममा मेरुदण्डको रुपमा भावनालाई हेरिएको थियो । बिपक्षीलाई सहजै पाखा लगाउन सक्ने सामथ्र्य मेलौली टिमसँग थियो । यो सामाथ्र्य भावना नायक (भुरी)ले दिलाएकी हुन् ।

Tim Melauli1707834364.jpg
भावनाको फिनिस टचमा कुनै कमी थिएन । विपक्षी टिमले मेलौलीमाथी दवाव बनाइरहदा भलिबल प्रशिक्षक सागर भण्डारीले भावना बाहेक अन्य खेलाडीको विकल्प खोजिरहेका थिए । भण्डारीले लिब्रोसँग दोश्रो बललाई सिधै पास नगर्न र भावनाको लागि मिलाउन बेलाबेला आग्रह गरेको दृश्य देखिएको थियो ।
मेलौलीका समर्थकहरुले समेत भावनाको खेल कौसलप्रति विश्वास गरेको देखिन्थ्यो ।
भावनाको जम्पसैली र रिलिज पोइन्ट निकै आसलाग्दो देखिएको थियो । यस हिसावले जिल्लाको टिममा बलियो दावेदारी राखेकी छन् । अग्लो कद तथा शारीरिक सन्तुलनका हिसावले पनि प्रफेक्ट मानिएकी भावनाले भलिबलको जिल्लास्तरीय प्रतियोगितामा पहिलो पटक जनाएको सहभागितामा नै बलियो दावेदारी राखेकी हुन् ।
भावनाको आत्मविश्वास जुन किसिमको देखिन्थ्यो, त्यसबाट उनको उनको यात्राको सुरुवात जबरजस्त झल्को दिइरहेको थियो । आत्मविश्वासले भरिपूर्ण भावनाले जिल्लाको टिममा बलियो दाबी राखेकी हुन् । अधिक आत्मविश्वासले कहीँकतै सन्तुलन गुमाइरहेको पनि देख्न सकिन्थ्यो ।
१६ वर्षीया भावना कक्षा ९ मा अध्यायनरत छिन् । उचित प्रशिक्षणको पर्खाइमा रहेकी भावनाले सुरुवाती प्रतियोगितामै बलियो दावेदारी राखेकी छन् ।