दशरथचन्द नगरपालिकामा क्षयरोग र प्रजनन रूग्णता सम्बन्धि शिविर जारी

प्रदेश समाचार

Home
प्रदेश समाचार
दशरथचन्द नगरपालिकामा क्षयरोग र प्रजनन रूग्णता सम्बन्धि शिविर जारी

दशरथचन्द नगरपालिकामा क्षयरोग र प्रजनन रूग्णता सम्बन्धि शिविर जारी

बैतडी
बैतडीको दशरथचन्द नगरपालिकाले समुदायमा क्षयरोग खोजपडताल कार्यक्रम सञ्चालन गरेको छ । उक्त कार्यक्रम अन्तरगत बिहिबार त्रिपुरासुन्दरी स्वास्थ्यचौकीमा ८४ जनाले स्वास्थ्य परिक्षण गराउदाँ ४१ जना सम्भावित क्षयरोगीको खकारको नमुना संकलन गरिएको छ ।

सुक्रबार थालिगडा स्वास्थ्यचौकीमा ९६ जनाको स्वास्थ्य परिक्षण गरिएकोमा ३४ जनाको खकारको नमुना संकलन गरिएको दशरथचन्द नगरपालिकाका जनस्वास्थ्य निरिक्षक भुवन जोशीले बताए । आइतबार सुर्काल स्वास्थ्य केन्द्र र आगामी मंगलबार गुरूखोला नगर स्वास्थ्य केन्द्रमा शिविरको आयोजना गरिने उनले बताए ।

dcm hel1708136291.jpg

यसैगरी प्रजनन रूग्णता सम्बन्धि शिविरमा महिलाहरूमा देखिने प्रजनन अंग सम्बन्धि रोगहरूको जाँच गरिदैँ आएको पनि स्वास्थ्य शाखाले जनाएको छ ।

सुक्रबार नगर स्वास्थ्य केन्द्र सेरामा ३३ जना महिलाले उक्त सेवा लिएका छन् । सिविर फागुन ८ गते सुर्काल स्वास्थ्य केन्द्र, ९ गते नागार्जुन स्वास्थ्य चौकी, १० गते रातामाटा नगर स्वास्थ्य केन्द्र र ११ गते दुर्गाभवानी स्वास्थ्य चौकीमा आयोजना हुने दशरथचन्द नगरपालिकाले जनाएको छ ।

प्रकाशित मिति: शनिबार, फागुन ५, २०८० ०८:०१

प्रतिक्रिया दिनुहोस्