रनिङ शिल्डका पदक विजेता र सहभागी खेलाडीहरुलाई दनपाले गर्यो नगदसहित सम्मान

प्रदेश समाचार

Home
प्रदेश समाचार
रनिङ शिल्डका पदक विजेता र सहभागी खेलाडीहरुलाई दनपाले गर्यो नगदसहित सम्मान

रनिङ शिल्डका पदक विजेता र सहभागी खेलाडीहरुलाई दनपाले गर्यो नगदसहित सम्मान

बैतडी,
बैतडीको दशरथचन्द नगरपालिकाले मेलौलीमा सम्पन्न १४औँ जिल्लास्तरीय राष्ट्रपति रनिङ शिल्डमा सहभागि खेलाडीहरुलाई नगदसहित सम्मान गरेको छ ।
प्रतियोगितामा स्वर्ण पदक विजेता खेलाडीहरुलाई जनही नगद ६ हजार ६ सय ६७ रुपैयाँ, रजत पदक विजेता खेलाडीहरुलाई जनही नगद ३ हजार ३ सय ३३ रुपैयाँ र कास्य पदक विजेता खेलाडीहरुलाई जनही २ हजार ६ सय ५७ रुपैयाँ पुरस्कार प्रदान गरिएको दशरथचन्द नगरपालिकाका खेलकुद विकास समिति अध्यक्ष भुपेन्द्र चन्दले जानकारी दिए ।
प्रतियोगितामा सहभागी भएका अन्य खेलाडीहरुलाई पनि १ हजार ३ सय ३३का रुपैयाका दरले पुरस्कार उपलब्ध गराइएको छ ।
नगरपालिकाबाट यस वर्षको रनिङ शिल्डमा ७० जना खेलाडी सहभागी भएका थिए ।
प्रतियोगितामा नगरपालिकाले २ स्वर्ण, १३ रजत र १२ कास्य गरेर २७ पदक हात पारेको थियो । खेलाडीहरुलाई नगद पुरस्कारसहित सम्मान गर्दै नगर प्रमुख पुष्करराज जोशीले खेलाडीहरुको क्षमता अभिवृद्धिका लागि नगरपालिकाले निरन्तर प्रयास गरिरहेको बताए ।
खेलाडीहरुलाई नगद पुरस्कार प्रदान तथा सम्मान कार्यक्रममा नगर प्रमुख जोशीका साथै प्रमुख प्रशासकीय अधिकृत जगदीश जोशी, वडा अध्यक्ष, नगर खेलकुद विकास समितिका अध्यक्ष र खेलाडीहरुको सहभागिता रहेको थियो ।

प्रकाशित मिति: आइतबार, फागुन ६, २०८० ०६:१६

प्रतिक्रिया दिनुहोस्