बैतडीको पाटन नगरपालिका ९ नं वडा कार्यालयले प्रजातन्त्र दिवसको अवसरमा वडा स्तरिय आधारभुत तह १–५ हाजिरीजवाफ तथा उत्कृष्ट शिक्षक सम्मान कार्यक्रम मनाएको छ । यस चालु आ।व। २०८०र०८१ मा विनियोजत कार्यक्रम अन्तरगत आज वडामा रहेका चार वटा विद्यालयका बालबालिकाहरुको सहभागितामा वडा कार्यालयमै हाजिरी जवाफ तथा वडाभरिकै उत्कृष्ट चार जना शिक्षकहरु लाई सम्मान गरेको छ ।
वडा अध्यक्ष कालु सिंह भाटको अध्यक्षतामा संचालन गरिएको हाजिरीजवाफ कार्यक्रममा सहभागि चार विद्यालय मध्ये श्री सिद्धेश्वर मावि हुक्केडाडा विद्यालयका सहभागि विद्यार्थीहरुले ३२ अंक ल्याई प्रथम भएको छ ।
यस्तै श्री सरस्वती आधारभुत विद्यालय किचारले २८ अंक ल्याई द्वितिय भएको छ भने श्री ज्ञानेश्वर मावि विजयपुर र श्री जनप्रिय आधारभुत विद्यालय काकस्यालीले २७÷२७ अंक ल्याई तितृय भएको वडा अध्यक्ष कालु सिंह भाटले बताउन भएकोछ् ।
शैक्षिक सत्र २०८० मा वडा भरिका शिक्षकहरु मध्ये उत्कृष्ट शिक्षकको रुपमा श्री ज्ञानेश्वर मावि विजयपुरबका मदन सिंह धामी, श्री सिद्धेश्वर मावि हुक्केडाँडाका ईश्वरी भाट महरा, श्री जनप्रिय आधारभुत विद्यालय काकस्यालीका मानमति भट्ट र श्री सरस्वती आधारभुत विद्यालय किचारका द्रोपती चन्द मल्ल सम्मानित हुन भएका छन् । उत्कृष्ट चार जना शिक्षकहरुलाई वडाको तर्फबाट माला, टिका, प्रमाणपत्र र दोसल्ला ओढाएर सम्मान गरेको वडा सचिव रामदत्त जोशीले बताउन भएको छ । यस्तै अपि सैपाल विकास मञ्चको सहजिकरणमा वडा स्तरिय पञ्चवर्षे आवधिक विकास योजनाको समेत छलफल गरि योजना छनौट गरिएको वडाले जनाएको छ ।
कार्यक्रममा वडा समितिका पदाधिकारी, पाटन नगरपालिकाका निमित प्रमुख प्रशासकिय अधिकृत एवं शिक्षा शाखा अधिकृत ललित कुमार पाण्डेय, विभिन्न विद्यालयका प्रअ, शिक्षक, विद्यार्थी टोल विकास संस्थाका पदाधिकारी, वडा शिक्षा समितिका पदाधिकारी एवं सरोकारवालाहरुको सहभागिता रहेको थियो ।
