सुर्नया–२को नेरा माविलाई गाउँपालिकाले उपलब्ध गरायो शैक्षिक सामाग्री

प्रदेश समाचार

Home
प्रदेश समाचार
सुर्नया–२को नेरा माविलाई गाउँपालिकाले उपलब्ध गरायो शैक्षिक सामाग्री

सुर्नया–२को नेरा माविलाई गाउँपालिकाले उपलब्ध गरायो शैक्षिक सामाग्री

बैतडी,
सुर्नया गाउँपालिका–२ स्थित नेपाल राष्ट्रिय माविलाई गाउँपालिकाले शैक्षिक सामाग्री हस्तान्त्रण गरेको छ । आज गाउँपालिका अध्यक्ष अमर बहादुर कुवँर, शिक्षा साखाका प्रमुख टंक प्रशाद वअस्थी, सामाजिक विकास समिति संयोजक एवं वडा नं ५ का वडा अध्यक्ष केसव बिष्ट, वडा नं २ का वडा अध्यक्ष गणेश बिष्टसहितको टोलीले विद्यालयलाई शैक्षिक सामाग्री हस्तान्त्रण गरेको हो ।
गाउँपालिकाको तर्फबाट १० वटा ह्वाइट बोर्ड, सोही संख्यामा डस्टर लगायतका शैक्षिक सामाग्री हस्तान्त्रण गरिएको हो । यसअघि अनुगमनका क्रममा विद्यालयमा शैक्षिक सामाग्रीको चरम अभाव रहको भेटिएपछि गाउँपालिकाले शैक्षिक सामाग्री उपलब्ध गराएको जनाएको छ । No description available.
सुर्नया गाउँपालिकामा रहेको विद्यालयहरुले नेपाल सरकारले उपलब्ध गराउने बजेटको सदुपायोग नगर्ने गरेको भेटिएको छ । विद्यालय अनुगमन गरिरहेको पालिकाले यस्तो निस्कर्ष निकालेको हो । प्रति विद्यार्थी लागत अनुदान र शैक्षिक सामाग्री खरिद अनुदानको लागि प्रत्येक वर्ष विद्यालयहरुमा बजेट आउने गरेपनि विद्यालयले सही सदुपयोग नगर्ने गरेको पाइएको छ । शैक्षिक सामाग्री खरिदका लागि वार्षिक रुपमा अनुदानको रकम आउने गरेपनि विद्यालयहरुले शैक्षिक सामाग्री खरिद नगर्ने गरेको शिक्षा साखाको भनाइ छ ।
शैक्षिक व्यवस्थापनमा सहज होस भनेर शैक्षिक सामाग्री खरिदको लागि बजेट आउने भएपनि उक्त पैसा अन्यत्र खर्च नगर्न सुर्नया गाउँपालिकाका शिक्षा साखा प्रमुख टंक प्रशाद अवस्थीले आग्रह गर्नुभयो । ‘सरकारले शैक्षिक सामाग्री खरिदको लागि वार्षै पिच्छे बजेट दिने गरेको छ, म विव्यस अध्यक्ष र प्रअ सँग आग्रह गर्छु, यो बजेट सोही शिर्षकमा मात्रै खर्च गर्नुहोस्,’ शिक्षा साखा प्रमुख अवस्थीले भने ।