बैतडीमा मलामी बोकेको जिप दुर्घटना, १ जनाको मृत्यु, ५ घाइते

प्रदेश समाचार

Home
प्रदेश समाचार
बैतडीमा मलामी बोकेको जिप दुर्घटना, १ जनाको मृत्यु, ५ घाइते

बैतडीमा मलामी बोकेको जिप दुर्घटना, १ जनाको मृत्यु, ५ घाइते

Durghatana baitadi

बैतडीमा मलामी बोकको जिप दुर्घटना हुँदा एक जनाको मृत्यु भएको छ । जिल्लाको डिलासैनी गाउँपालिका–१ स्थित घारडा भन्ने ठाउँमा जिप दुर्घटना हुदा डिलासैनी गाउँपालिका–१ धावला बस्ने ५० वर्षीय गोपाल बोहराको मृत्यु भएको हो ।
सु.प.प्र.०१०००१च ३१४६ मलामी बोकेको उक्त जिप कच्ची सडकमा सडकमै पल्टिएर दुर्घटना हुन पुगेको जिल्ला प्रहरी कार्यालयका प्रवक्ता प्रहरी निरीक्षक नन्दराज जोशीले जानकारी दिए ।
जिपमा सवार १३ जना मलामी मध्ये एकजनाको मृत्यु भएको छ भने ५जना घाइते भएका छन् ।
बुधबार मृत्यु भएका धनपती धामीको गण्नीगाड खोलामा दाहसंस्कार गरेर फर्कने क्रममा बिहीबार दिउँसो पौने २ बजेतिर जिप दुर्घटनामा परेको बताइएको छ ।
दुर्घटनामा परी घाइते हुनेमा डिलासैनी–१ का रतन धामी, मन्धिर धामी, अमर धामी, लोकेन्द्र धामी र सुरेन्द्र बोहरा रहेका छन् । उनिहरुको गोकुलेश्वर अस्पतालमा उपचार भइरहेको छ ।
कच्ची सडकमा चल्दै गरेको जिप एक्कासी पछाडि आएर सडकमै पल्टेको बताइएको छ । जिप चालक डिलाशैनी ६ बागगोठका धनबहादुर कठायत फरार रहेका छन् । घटनाबारे थप अनुसन्धान भइरहेको प्रहरीले जनाएको छ ।

प्रकाशित मिति: बिहीबार, फागुन १०, २०८० १५:५०

प्रतिक्रिया दिनुहोस्