दुदिलाखान–गाजरी सडक बन्दको १०दिनः गाजरीमा खाद्यान्नसँगै नुनको समेत अभाव!

प्रदेश समाचार

Home
प्रदेश समाचार
दुदिलाखान–गाजरी सडक बन्दको १०दिनः गाजरीमा खाद्यान्नसँगै नुनको समेत अभाव!

दुदिलाखान–गाजरी सडक बन्दको १०दिनः गाजरीमा खाद्यान्नसँगै नुनको समेत अभाव!

बैतडी,
बैतडीको सिगास गाउँपालिका २ मा रहेको गाजरी बजार सुनसान बनेको छ । दुदीलाखान– कुर्चीनेटा–गर्जे सडक संघर्ष समिले १० दिनदेखि सडक अबरुद्ध पारेका कारण गाजरी बजार सुनसान बनेको हो । संघर्ष समितिले यही फागुन ८ गतेदेखि दुदीलाखान देखि गाजरी जोड्ने सडक अबरुद्ध पारेका थिए ।

जिल्लास्तरीय अनुगमन समितिले वडा नं १ र २ लाई गाउँपालिकाको केन्द्र गर्जे जोड्ने सडकका विषयमा अनुगमन गरी प्रतिवेदन सार्बजनिक गर्न ढिलाई गरेको भन्दै फागुन ८ गतेदेखि गाजरी जोड्ने सडक अबरद्ध पारेका थिए । यसैगरी संघर्ष समितिले वडा नं १ का कार्यालयमा तालाबन्दी समेत गरेका थिए ।

हप्ता दिनभन्दा लामो समयसम्म सडक अबरुद्ध भएपनि गाजरी बजार सुनसान बनेको हो । स्थानीय तथा व्यापारीहरुका अनुसार गाजरी बजारमा नुन समेत पाउन मुस्किल हुन थालेको छ । खाद्यान्नका सरसामान र नुन समेत सकिने लागेको स्थानीय एवं व्यापारी राजेन्द्र जोशीले बताए । वडा नं १ , २ र ३ का स्थानीयहरुको पहुँचमा रहेको बजार समेत रहेको गाजरीमा खाद्यान्न र खाद्यान्नका सरसामान पाउन छोडेको अर्का स्थानीय प्रकाश जोशीले बताए । लामो समयसम्म् सडक अबरुद्ध हुदा समेत सम्बन्धित निकायले चासो नदिएको पाइएको छ । जिल्लास्तरीय अनुगमन समितिले बन्दकर्ताहरुसँग अझै पनि समन्वय गनृ सकेको छैन । सिगास गाउँपालिकाले समेत सडक खोल्ने र स्थानीयहरुको मागका विषयमा कुनै चसाो नदिएको पाइएको हो । यतिका समयसम्म गाउँपालिकाले चाँसो नदिदा जनप्रतिनिधि नै नभएको महसुस भएको स्थानीय राजेन्द्र जोशीको भनाइ छ ।

प्रकाशित मिति: शुक्रबार, फागुन १८, २०८० १८:५७

प्रतिक्रिया दिनुहोस्