बैतडीमा एमालेको नबौं अधिवेशनः अध्यक्षमा ५ जनाको नाम चर्चामा

प्रदेश समाचार

Home
प्रदेश समाचार
बैतडीमा एमालेको नबौं अधिवेशनः अध्यक्षमा ५ जनाको नाम चर्चामा

बैतडीमा एमालेको नबौं अधिवेशनः अध्यक्षमा ५ जनाको नाम चर्चामा

बैतडी,
बैतडीमा एमाले अधिवेशनको सरगर्मी बढेको छ । आगामी फागुन २८ र २९ गते आयोजना हुने नेकपा एमाले बैतडीको नवौँ अधिवेशनका लागी तयारी तिब्र पारिएको हो । अधिवेशनका लागी पार्टीले जिल्लाका १० वटै पालिकाबाट प्रतिनिधी छनौट गरेको छ । शनिबार अधिवेशनका लागि सबै पालिकाबाट सर्वसम्मत प्रतिनिधि छनोट गरिएको जनाइएको छ ।
आगामी नेतृत्वका लागि नेता आन्तरिक तयारीमा जुटिरहेका र अधिवेशन सफल पार्नका लागि अन्य तयारीसमेत तीव्र पारिएको जनाएको छ ।
अधिवशेनबाट सर्वसम्मत नेतृत्व चयन गनृै एमालेको तयारी छ ।
अध्यक्षका लागी नरेश बि.क, नरेन्द्र बिष्ट, पार्टी उपसचिव समेत रहेका लोकेन्द्र भण्डारी, अनेरास्वबियूका केन्द्रिय उपाध्यक्ष गोविन्द गिरी, नेता हजारी साउँदको दाबी रहेको छ ।
नरेश बिक, नरेन्द्र बिष्ट र हजारी साउँद एमाले बैतडीको अग्रज नेताका रुपमा चिनिन्छन् । यी नेताहरुले पार्टीको नेतृत्वमा हालसम्म बसेका छैनन् । नरेश बिक अघिल्लो कार्यकालका प्रदेश कमिटि सचिवालय सदस्य हुन् । हजारी साउँद तल्लो स्वराडमा प्रभाव राख्ने गरेका छन् । नरेन्द्र बिष्टलाई बैतडीमा कम्युनिस्ट नेताहरुमध्ये उत्कृष्ट नेताका रुपमा चिनिन्छन् ।
लोकेन्द्र भण्डारी र गोविन्द गिरी युवा जुजारु नेता हुन् ।
लोकेन्द्र भण्डारी बौद्धिक युवा नेताका रुपमा चिनिन्छन् । समसामयिक राजनितिमा दखल राख्ने नेताका रुपमा लोकेन्द्र चिनिन्छन् । जिल्ला कमिटिको पदाधिकारीमा रहेर काम गरेका भण्डारी प्रभाव राख्ने नेताको रुपमा चिनिने गरेका छन् ।
सानै उमेरदेखि विद्यार्थी राजनितिमा सक्रिय रहेका गोबिन्द गिरी केन्द्रिय राजधानीमा राम्रो छाप राखेका नेता हुन् । अनेरास्वबियूमा लोकप्रिय नेताका रुमा चिनिन्छन् ।
कार्यकर्ताहरु भावनाअनुसार अगाडी बढ्नुपर्ने युवा नेताहरुको भनाइ छ । जिल्ला कमिटिभित्र काम गरेकाहरुले नेतृत्वमा प्राथमिकता पाउनुपर्नेउमा भण्डारीको जोड छ । पाटी नेतृत्व तथा बिभिन्न संघसंगठनमा तल्लो तहमापनि आफै र माथिल्लो तहमा पनि आफै भन्ने भावना त्याग्नुपर्ने भण्डारीको जोड छ । कार्यकर्ताहरुको भवनालाई बुझेर नेतृत्व चयन गर्नुपर्नेमा उनले दोहो¥याए ।
युवा नेता गोविन्द गिरीले अपसी सहमतीबाटै नेतृत्व चयन हुने बताउछन् । ‘पार्टीलाई चौतर्फी घेराबन्दी छ, त्यो घरेबन्दी तोड्नुपर्ने छ, संगठन भित्रको अराजगता पनि तोड्नुपर्ने छ, पार्टीलाई ससक्त ढंगले अघि बढाउनुपर्ने देखिएको छ ।’ गिरीले भने । एमालेका निबर्तमान सुदुरपश्चिम अध्यक्ष तथा केन्द्रिय सदस्य दामोदर भण्डारीको गृह जिल्ला बैतडीमा उनको निर्देशन बिपरित नहुने भएका कारण सकेसम्म सहमतीबाटै नेतृत्व टुगिंने नेताहरु बताउँछन् ।