बैतडीमा भन्सार छलीका सामान बरामद

प्रदेश समाचार

Home
प्रदेश समाचार
बैतडीमा भन्सार छलीका सामान बरामद

बैतडीमा भन्सार छलीका सामान बरामद

बैतडीमा प्रहरीले भन्सार छलीका सामग्री बरामद गरेको छ । मेलौली नगरपालिका–३ लामालेकबाट भन्सार छलीका सामग्रीसहितको ट्रक नियन्त्रणमा लिइएको जिल्ला प्रहरी कार्यालय बैतडीका प्रहरी प्रमुख प्रहरी नायव उपरीक्षक दीपक गिरीले जानकारी दिनुभयो ।

बुधबार बिहान करिव ३ बजे तिर पाटन–पञ्चेश्वर सडक अन्तर्गत मेलौलीबाट पाटनतर्फ आइरहेको से १ ख २०१४ नम्बरको ट्रकबाट चार लाख ८ हजार ४ सय ४० रुपैयाँ बराबरको भन्सार छलीको सामग्री बरामद गरिएको उहाँले बताउनुभयो । बिडि प्याज चिनी चप्पल लगायतका भन्सार छलिका सामान बरामद गरिएको हो ।

बिशेष सुराकीको आधारमा खटिएको प्रहरी टोलीले उक्त मुल्य बराबरका भारतबाट महाकालि नदि हुँदै डुंगा तथा ट्युवमार्फत भन्सार छलि गरी ल्याइएका सामान र १५ लाख रुपैयाँ बराबरको ट्रक बरामद गरिएको जिल्ला प्रहरी कार्यालय बैतडीले जनाएको छ ।

यस्तै ट्रक चालक पाटन नगरपालिका ८ का ४५ बर्षीय गणेश मडैलाई समेत नियन्त्रणमा लिइएको पनि प्रहरी प्रमुख गिरीले जानकरी दिनुभयो ।

भन्सार छलीको सामग्रीसहितको ट्रकलाई आवश्यक कारवाहीका लागि कैलाली भन्सार कार्यालय धनगढी पठाइएको प्रहरीले जनाएको छ ।

हिउँदेको समयमा महाकालीमा पानी कम हुने भएकाले ट्युव तथा डुगामार्फत भन्सार छलि गरि सामान भित्र्याउने गरेकाले निगरानी पनि बढाइको प्रहरी प्रमुख गिरीले बताउनुभयो ।

यसअघि सोमबार राति पनि बैतडी प्रहरीले भन्सार छलीका सामग्रीसहितको जिपलाई नियन्त्रणमा लिएको थियो ।

प्रकाशित मिति: बुधबार, फागुन २३, २०८० १२:४६

प्रतिक्रिया दिनुहोस्