‘महिलामाथि भएका हिंसात्मक घटनामा सरकार गम्भिर बन्नुपर्छ’

प्रदेश समाचार

Home
प्रदेश समाचार
‘महिलामाथि भएका हिंसात्मक घटनामा सरकार गम्भिर बन्नुपर्छ’

‘महिलामाथि भएका हिंसात्मक घटनामा सरकार गम्भिर बन्नुपर्छ’

बैतडी,
नेपालमा महिलामाथी भइरहेका हिंसाजन्य घटनाको निष्पक्ष छानबिनको माग गर्दै सरकारको ध्यानाकर्षण गराइएको छ । महिला मानवअधिकार रक्षकहरुको जिल्ला सञ्जाल बैतडीले सरकारसमक्ष ज्ञापनपत्र पेश गर्दै महिलामाथि भएका हिंसात्मक घटनाको निष्पक्ष छानबिन हुनुपर्ने माग गरेका हुन् ।
यही फागुन १२ गते शालिन पोखरलेमाथि भएको घटना वा निर्मला पन्तमाथिएको घटनाका सवालमा सरकार गम्भिर हुनुपर्ने माग गरिएको हो ।
हत्या,आत्माहत्या दुरुत्साहन, बलात्कार तथा अन्य हिंसाका घटनाहरुमा सरकारले गम्भिर बन्नुपर्ने महिला मानवअधिकार रक्षकहरुको जिल्ला सञ्जाल बैतडीका अध्यक्ष कल्पना क्षेत्रि रानाद्धारा हस्ताक्षरित ज्ञापनपत्रमा उल्लेख गरिएको छ । सो पत्र प्रमुख जिल्ला अधिकारी भिमकान्त शर्माद्धारा सरकार सामक्ष पेश गरिएको हो ।