बैतडीको पाटनमा नमुना युवा नगर सभा सम्पन्न

प्रदेश समाचार

Home
प्रदेश समाचार
बैतडीको पाटनमा नमुना युवा नगर सभा सम्पन्न

बैतडीको पाटनमा नमुना युवा नगर सभा सम्पन्न

बैतडी,
नमुना नगर सभाका नगर प्रमुख सन्जु भण्डारीले आगामी आर्थिक वर्षको निति तथा कार्यक्रम ल्याउनुभयो । उपप्रमुख निर्मला बिष्टले बजेट प्रस्तुत गर्नुभयो ।

त्यसपछि निति तथा कार्यक्रम र बजेटमाथि नगरसभाका सदस्यहरुले पालैपालो आफ्नो धारणा राखे । केही सदस्यहरुले समर्थन जनाए, भने केही सदस्यहरुले संसोधनको माग गरे । त्यसपछि नगर प्रमुख र उपप्रमुखले नगर सभाका सदस्यहरुले राखेको धारणाको जवाफ दिए । त्यसपछि निति तथा कार्यक्रकम र बजेट पारित गरियो ।

झट्ट हेर्दा लाग्थ्यो । स्थानीय तहले आगामी आर्थिक वर्षको निति तथा कार्यक्रम र बजेट प्रस्तुत भइरहेको छ । यो दृश्य हो, बैतडीको पाटन नगरपालिकास्तरीय नमुना युवा नगरसभाको ।

बुधबारदेखि सुरु भएको नमुना युवा नगरभाको प्रशिक्षण कार्यक्रम पश्चात शनिबार नमुना नगरसभाको आयोजना गरिएको थियो । युवाहरुको क्षमता अभिवृद्धिगरी स्थानीय सरकार सञ्चालान र प्रक्रियाको बारेमा प्रशिक्षण गरिएको हो । त्यसपछि स्थानीय सरकार सञ्चालनको अभ्यास गर्दै नमुना नगर सभाको आयोजना गरिएको हो ।
यस कार्यक्रमबाट युवाहरुले स्थानीय सरकार सञ्चालनका प्रक्रियाका बारेमा जानकारी हासिल गरेका छन् भने प्रक्रियागत विषयमा पनि अभ्यस्त भएको नमुना नगर सभाको मेयरको भूमिकामा रहेका सन्जु भण्डारीले बताए ।
कार्यक्रमका सहभागि युवा प्रतिनिधिहरुले स्थानीय तहको कार्यपालिका बैठक, नगर सभा, बजेट निर्माण र कार्यान्वयनका प्रक्रियाका बारेमा अभ्यास गरेका छन् । गाउँठाउँबाट संकलन गरिने योजना र त्यसपछि प्रक्रियागत तरिकाले नगरसभाबाट पास हुने विधि पद्धतीबारे अवगत गराइएको थियो । यस कार्यक्रमले युवाहरुमा जिमवारी बोध गराइएको आयोजक बैतडी युवा समाजका अध्यक्ष खेमराज अवस्थीले बताए ।
स्थानीय तहमा पनि यस कार्यक्रमबाट युवासक्तिको सहयोगको अपेक्षा गरेको छ । पालिकामा हुने हरेक गतिबिधि र जनप्रतिनिधिको काम कर्तव्य र अधिकारका बारेमा पनि जानकारी हासिल गरेको बताउदै पाटन नगरपालिकाका नगर उपप्रमुख कमल सिंह बोहराले युवाहरुसँग सहकार्य गर्न पनि सहज भएको बताए ।
बैतडी युवा समाजले आयोजना गरेको यो कार्यक्रम तेश्रो पक्षीय सहयोग अन्तरगत युवालय नेपालले युरेपेली युनियन र अक्सफाम नेपालको आर्थिक सहयोगमा कार्यक्रम सञ्चालन गरिएको हो । युवाहरुलाई सामाजिक राजनितिक तथा सास्कृतिक विकासमा टेवा पु¥याउने अपेक्षा गरिएको छ ।

प्रकाशित मिति: शनिबार, फागुन २६, २०८० १८:४०

प्रतिक्रिया दिनुहोस्