बैतडीमा बलात्कार मुद्वा गाउँमै मिलाउने वडा अध्यक्ष, कर्मचारी र शिक्षक पक्राउ

प्रदेश समाचार

Home
प्रदेश समाचार
बैतडीमा बलात्कार मुद्वा गाउँमै मिलाउने वडा अध्यक्ष, कर्मचारी र शिक्षक पक्राउ

बैतडीमा बलात्कार मुद्वा गाउँमै मिलाउने वडा अध्यक्ष, कर्मचारी र शिक्षक पक्राउ

बैतडी,
बैतडीको सिगास गाउँपालिकामा ४ वर्ष पहिले बलात्कार मुद्धा मिलोमतोमा मुछिएका ३ जना सोमबार पक्राउ परेका छन् । सिगास गाउँपालिका वडा नं ३ वडा अध्यक्ष अमर सिंह धामी, गाउँपालिकाका कर्मचारी राजेन्द्र सिंह धामी र भुवन भास्कार माविका शिक्षक मनोज सिंह धामी पक्राउ परेका हुन् ।
२०७७ सालमा स्थानीय दिपक सिंह धामीले १८ वर्षीया किशोरीलाई बलात्कार गरेको आरोप लागेको थियो । त्यसपछि स्थानीयहरुले थाहा पाएपछि हालका वडा अध्यक्ष अमर सिंह धामी, शिक्षक मनोज सिंह धामी, कर्मचारी राजेन्द्र सिंह धामी लगायतका स्थानीयहरुले तमसुक बनाएर घटना मिलोमतो गरेका थिए । मिलोमतोमा संलग्न अर्का गोपाल सिंह धामीले कैद भुक्तान गरेर छुटीसकेका छन् ।
आरोपित दिपकले बलात्कृत भएकी किशोरीलाई सुन दिने सहमती सहितको तमसुक बनाएका थिए । सोही तमसुकको फट्के किनारा साँची बसेका ३ जना सोमबार पुनः पक्राउ परेको जिल्ला प्रहरी कार्यालय बैतडीले जनाएको छ ।
सोमबार पक्राउ परेका तीनै जनालाई उच्च अदालत दिपायल कञ्चनपुरले एक महिना कैद सजाय तोकेको हो । त्यसमध्ये वडा अध्यक्ष अमर र शिक्षक मनोजले २७ दिन अनुसन्धानका क्रममा नै कारागार बसेका थिए । उनिहरुले अब ३ दिनमिात्रै बस्नु पर्नेछ । यसैगरी यसअघि २५ दिन कैद भुक्तान गरेका राजेन्द्रले ५ दिन पुनः बस्नु पर्ने जिल्ला प्रहरी कार्यालय बैतडीका प्रहरी निरिक्षक खेमबिक्रम केसीले जानकारी दिए । तीनै जनाले १० हजार जरिवना पनि तिर्नुपर्ने छ ।
तर बलत्कारमा संलक्न दिपक सिंह धामी भने अझै फरार रहेका छन् । स्थानीयहरुका अनुसार तमसुक बनाएदेखि नै उनि फरार रहेका छन् । प्रहरीले हालसम्म पनि मुख्य अरोपित दिपकलाई पक्राउ गर्न सकेको छैन ।

प्रकाशित मिति: मंगलबार, चैत १३, २०८० १०:१५

प्रतिक्रिया दिनुहोस्