पाटनमा कक्षा ८ को नतिजा विवादः नगरपालिकाले गर्यो रुजु समिति गठन

प्रदेश समाचार

Home
प्रदेश समाचार
पाटनमा कक्षा ८ को नतिजा विवादः नगरपालिकाले गर्यो रुजु समिति गठन

पाटनमा कक्षा ८ को नतिजा विवादः नगरपालिकाले गर्यो रुजु समिति गठन

बैतडीको पाटन नगरपालिकाले रुजु समिति गठन गरिएको छ । आधारभुत तह कक्षा ८ को नतिजाका बिषयमा विभिन्न टिप्पणी आएकाले आइतबार प्रमुख प्रशासकीय अधिृत शेर बहादुर बुढाको संयोजकत्वमा तीन सदस्यीय रुजू समिति गठन गरिएको हो ।

नगरप्रमुख गौरी सिंह रावलको अध्यक्षतामा बसेको बैठकले प्रमुख प्रशासकीय अधिकृत बुढाको संयोजकत्वमा ३ सदस्यीय रुजु समिति गठन गरिएको सामाजिक बिकास समिति संयोजक एवं वडा नम्बर ८ का वडाअध्यक्ष हरिश बिष्टले जानकारी दिए ।

उक्त समितिको सदस्यमा कृष्ण माविका प्रअ बिरेन्द्र केशी रहेका छन् भने सदस्य सचिवमा शिक्षा शाखा प्रमुख ललित कुमार पाण्डेय रहेका छन् । गठित समितिले ५ दिनभित्र कक्षा ८ को नगरस्तरीय बार्षिक परिक्षामा सहभागी बिद्यार्थीहरुले प्राप्त गरेको अंक रुजुगरि प्रतिवेदन पेश गर्ने संयोजक बिष्टले बताए ।

सामाजिक सञ्जाल लगायत विभिन्न माध्यममा आएका टिकाटिप्पणीका बिषयमा नगरपालिकाको ध्यानाकर्षण भएकाले रुजु समिति गठन गरिएको हो । समितिले दिएको प्रतिवेदन अुनसार कुनै विद्यार्थीले पुरक परिक्षा दिन पाउने भएमा दोस्रो पटक परिक्षा सञ्चालन हुने सामाजिक विकास समिति संयोजक हरिश बिष्टले बताए ।

नगरपालिकाले नतिजा प्रकाशन गरिसेकपछि पुर्नयोगका लागि निवेदन दिएका मध्ये ६ जनाको नतिजा फरक भेटिएको थियो । दुई जनाले उत्तिर्ण अंक प्राप्त गरेका थिए भने ४ जना ग्रेडवृद्धिको परिक्षामा सहभागी हुन पाउन भएका छन् ।

यस्तै नगरपालिकाले भौगोलिक बिकतालाई मध्यनजर गर्दै परिक्षा केन्द्र थप गरेको छ । वडा नम्बर ३ को मावि गजुरमा सोही विद्यालय र बालकल्याण आधारभुत विद्यालय बोहरीगाउँका विद्यार्थीहरुका लागि परिक्षा केन्द्र थप गरीएको हो । परिक्षा समितिले पाँच केन्द्र यसअघि तोकेको भएपनि भौगोलिक बिवकतालाई मध्यनजर गर्दै आज बसेको बैठकले एक परिक्षा केन्द्र थपेको नगरपालिकाले जनाएको छ । सोमबार बिहान ११ बजेदेखी ग्रेडवृद्धिका परिक्षा सञ्चालन हुने र प्रश्न पत्रसहीत केन्द्राध्यक्ष सम्बन्धीत केन्द्रमा पुगीसकेको बताइएको छ

प्रकाशित मिति: आइतबार, वैशाख ९, २०८१ १७:०९

प्रतिक्रिया दिनुहोस्