सिगासको सडकका विषयमा प्रतिवेदन तयार, दुवै सडक काट्नुपर्ने निष्कर्ष

प्रदेश समाचार

Home
प्रदेश समाचार
सिगासको सडकका विषयमा प्रतिवेदन तयार, दुवै सडक काट्नुपर्ने निष्कर्ष

सिगासको सडकका विषयमा प्रतिवेदन तयार, दुवै सडक काट्नुपर्ने निष्कर्ष

बैतडी,
बैतडीको सिगास गाउँपालिका वडा नं १र२ बाट पालिकाको केन्द्र गर्जे जोड्ने सडकका विषयमा अनुगमन गर्न गठन गरिएको जिल्लास्तरीय प्राविधिक अनुगमन समितिले प्रतिवेदन तयार पारेको छ । जिल्ला प्रशासन कार्यालय, भौतिक पुर्वाधार कार्यालय, जिल्ला समन्वय समिति, डिभिजन वन कार्यालयको सयुक्त प्राविधिक टोलीले स्थलगत अनुगमन गरी प्रतिवेदन तयार पारेको हो । प्राबिधिक टोलीले तयार पारेको प्रतिवेदन सिगास गाउँपालिकालाई समेत पेश गरिएको प्रमुख जिल्ला अधिकारी भिमकान्त शर्माले जानकारी दिए ।
प्रतिवेदनले वडा नं १ र २ बाट पालिका जोड्ने दुवै सडक उपयुक्त रहेको निष्कर्ष निकालेको छ । दुवै सडकको ट्र्याक खुलेको र दुवै ठाउँका स्थानीयहरुको आवश्यकता अनुरुप दुवै सडक पालिकाको केन्द्रसम्म लैजान सकिने प्रतिवेदनमा उल्लेख गरिएको छ । कुर्चीनेटा देखि पालिकाको केन्द्र गर्जे जोड्ने सडक निर्माणमा देखिएका बाधा अट्चन फुकाउनको लागि वातावरणीय प्रभाव मुल्याकंन लगायतका आवश्यक प्रक्रिया थाल्न समेत प्रतिवेदनमा भनिएको छ । यसका लागि जिल्लाका अन्य कार्यालयहरुले पनि सहयोग गर्न सक्ने बताइएको छ ।
गाउँपालिकाले दुवै सडकलाई प्राथमकितामा राख्नुपर्ने समेत जोड दिइएको छ । यतिमात्रै होइन प्रमुख जिल्ला अधिकारी शर्माले सिगास गाउँपालिकाको केन्द्र गर्जेबाट कुर्चेनेटा ल्याउनको लागि धुरासम्म तत्कालै सडक काटन सकिने पनि अवगत गराएका छन् ।
बैशाख १० गते प्रतिवेदन पालिकालाई पेश गरिएको र जिल्लास्तरमा पनि विभिन्न राजनितिक दलका प्रमुख एवं प्रतिनिधिहरुसँग प्रतिवेदनका विषयमा छलफल समेत गरिएको प्रमुख जिल्ला अधिकारी शर्माले बताए । छलफलमा सबै राजनितिक दलका प्रतिनिधिहरुले दुवै सडक अघि बढाउनुपर्नेमा सहमती जनाएको समेत प्रमुख जिल्ला अधिकारी शर्माले बताए ।
जिल्लामा भएका सर्वपक्षीय छलफलमा समेत मल्लो सडकमा पालिकाले बजेट हाल्ने र तल्लो सडकमा प्रदेश र संघ सरकारले बजेट उपलब्ध गराउनुपर्नेमा समेत सहमती भएको थियो । यद्यपी प्रमुख जिल्ला अधिकारी शर्माले गाउँपालिकाले दुवै सडक अघि बढाउनको लागि पालिकाले विशेष भुमिका खेल्नुपर्नेमा जोड दिए ।
दुवै सडकमा बन परेको छ । कर्चीनेटाको सडकमा ३ किलोमिटर बन परेको छ भने काठा हुदै जोड्ने सडकमा पनि २ किलोमिटर बनको सिमाना परेको छ । मल्लो सडक काट्न नहुनेभन्दै मन्त्रालयमै उजुरी परेको थियो । तल्लो डसकमा पनि सामुदायिक वनका पदाधिकारीहरुले मुद्धा हाल्ने तयारी थालेका थिए । सबैको सहकार्यमा दुवै सडक अघि बढाउनु नै अहिलेको उत्तम बिकल्प रहेको समितिको निष्कर्ष रहेको छ ।
दुवै सडक पालिकाको केन्द्रमा पु¥याउन सकिने निष्कर्षमा पुगिएको भौतिक पुर्वाधार कार्यालय बैतडीका इन्जिनियर एवं अनुगमन समितिका प्रमुख नरेश भुलले बताए । तल्लो सडकमा चालु आर्थिक वर्षमै प्रदेशबाट ५० लाख बजेट आएको र विवादका कारण सडक अघि बढ्न नसकेको उनले बताए ।
वडा नं १ का स्थानीयहरुले कुर्चीनेटादेखि पालिकाको केन्द्र जोड्ने सडक अघि बढाउन माग गर्दै दुई पटक दुदीलाखान देखि गाजरी जोड्ने सडक अबरुद्ध पारिएको थियो । केही अन्य संघर्षका कार्यक्रम समेत अघि बढाइएको थियो ।

प्रकाशित मिति: आइतबार, वैशाख १६, २०८१ १०:२३

प्रतिक्रिया दिनुहोस्