पञ्चेश्वरमा पानीको हाहाकार, सरसफाईका लागि महाकाली किनार पुग्नुपर्ने बाध्यता

प्रदेश समाचार

Home
प्रदेश समाचार
पञ्चेश्वरमा पानीको हाहाकार, सरसफाईका लागि महाकाली किनार पुग्नुपर्ने बाध्यता

पञ्चेश्वरमा पानीको हाहाकार, सरसफाईका लागि महाकाली किनार पुग्नुपर्ने बाध्यता

बैतडी ।
बैतडीको पञ्चेश्वर गाउँपालिका केन्द्र रहेको आमचोरा, कुलाउ बजार र आसपासका क्षेत्रमा खानेपानीको हाहाकार भएको छ । खानेपानी अभाव हुदाँ गाउँपालिकाका कर्मचारी, व्यवसायी तथा स्थानियबासी समस्यामा परेकाछन् । निङलाड खोलाबाट सोलार लिफ्टीङ गरेर गाउँपालिकाको केन्द्रमा पुर्‍याइएको खानेपानी खडेरीका कारण घटेसंगै आउन छाडेको हो ।

लिफ्टीङ प्रणालीको खानेपानी आउन छाडेपछी कर्मचारीहरु कार्यालयमा विदा भएको दिन गर्मा खोलामा गएर सरसफाई गर्ने गरेका छन् भने पिउनका लागि बजारबाट बोतलको पानी किनेर पिउने गरेकाछन् ।

खाना पकाउन पानी नभएकाले साझँ प्याकेटका खानेकुरा खाएर सुत्नुपर्ने बाध्यता रहेको गाउँपालिकाका सुचना प्रविधि अधिकृत मनोज जोशीले बताए ।

यतिबेला कक्षा १२को परिक्षा सञ्चालन भैरहेकाले विद्यार्थीहरु समेत खानेपानीको अभाव खेप्न बाध्य छन् । पानी अभावमा शौचालयको प्रयोग गर्न समस्या भएको छ । नजिकमा रहेका धारा, कुवा तथा पानीका मुहानहरुमा राति २–३ बजे देखिनै लाइन बस्नुपर्ने बाध्यता रहेको स्थानियबासी बताउछन् ।

आइतबार कर्मचारीहरु खानेपानीको समस्या लगेर गाउँपालिका अध्यक्ष गोरख बहादुर चन्द तथा उपाध्यक्ष बिना भट्टको कार्यकक्षमा पुगेका थिए । पानी अभावकै कारण यहाँबाट सरुवा माग्नुपर्ने अवस्था आउनसक्ने कर्मचारीहरु बताउछन् । कर्मचारीहरुले खानेपानीको लागि व्यवस्था गरिदिन नेतृत्वसंग आग्रह गरेकाहुन् ।

जवाफमा गाउँपालिका अध्यक्ष चन्दले हालका लागि ट्याङकरबाट पानी उपलब्ध गराउने र १ हप्ता भित्रै सोलार लिफ्टीङको खानेपानीलाई अझ व्यवस्थीत गरेर आपुर्ति बढाउने बताए ।

प्रकाशित मिति: सोमबार, वैशाख १७, २०८१ ०८:०८

प्रतिक्रिया दिनुहोस्