बैतडीका वनहरुमा व्यापक डढेलो, वन कार्यालय बेखबर

प्रदेश समाचार

Home
प्रदेश समाचार
बैतडीका वनहरुमा व्यापक डढेलो, वन कार्यालय बेखबर

बैतडीका वनहरुमा व्यापक डढेलो, वन कार्यालय बेखबर

बैतडीका बिभिन्न सामुदायिक वनहरुमा व्यापक आगलागी भइरहेको छ । करिब एक हप्तादेखि जिल्लाको पाटन नगरपालिका, पञ्चेश्वर गाउँपालिका, मेलौली नगरपालिका, सिगास गाउँपालिका र सुर्नया गाउँपालिकाका केही भागहरुमा व्यापक आगलागी भइरहेको छ ।
पाटन नगरपालिका ८र १० का केही सामुदायिक वनहरुमा एकहप्तादेखि निरन्तर आगलागी भइरहेको छ । पाटन नगरपालिका ८ स्थित महेश्वर सामुदायिक वन, सिद्धनाथ सामुदायिक वन, सिद्धदीप सामुदायिक वन तथा वडा नं १० स्थित लालि गुराँस सामुदायिक वन आसपासमा व्यापक आगलागी भइरहेको हो ।
पञ्चेश्वर, सिगास, सुर्नया गाउँपालिकाका केही भागहरुमा पनि आगलागीका घटना भइरहेको स्थानीयहरुले बताएका छन् ।
आगलागीका कारण अधिकांश बन क्षेत्र जलेर नष्ट भएको छ भने, गौचरण गर्ने बनहरुमा पूर्णरुपमा नोक्सान भएको स्थानीयहरुले बताएका छन् ।
यसरी निरन्तर वनहरुमा व्यापक डडेलो लागिरहेका बेला डिभिजन वन कार्यालयसँग कुनै विवरण संकलन गरेको छैन । वनहरुमा लागेको आगो नियन्त्रण लगायत सम्भावित घटना नियन्त्रणका लागि आवश्यक समन्वय गर्नुपर्ने भएपनि डिभिजन वन कार्यालय बेखबर बनेको छ ।

डिभिजन कार्यालय मातहत जिल्लामा आधा दर्जन सब डिभिजन कार्यालयहरु रहेको वन कार्यालयले आगालागीको विवरण देखि नियन्त्रणमा कुनै चासो दिएको छैन ।
जिल्ला मातहत रहेका इलाका वन कार्यालयहरुले समेत आगलागीका घटनाको विवरण राखेका छैनन् । डिभिजन कार्यालयका प्रमुख दिलिप कुमार यादवले मातहतका कार्यालयहरुलाई यसबारे विवरण माग गरेको भएपनि हालसम्म जिल्लामा नपुगेको जानकारी दिए ।
व्याक्तिगत खर फागला वा सामुदायिक वनहरुमा नै आगो लगाउने प्रवृति बढेकाले जोखिम झनै बढ्दो अवस्थामा रहेको डिभिजन वन कार्यालय बैतडीका प्रमुख यादवले बताए ।

प्रकाशित मिति: सोमबार, वैशाख १७, २०८१ ११:१३

प्रतिक्रिया दिनुहोस्