बैतडीको सुर्नया गाउँपालिकामा विद्यालय समायोजनको प्रक्रिया वैज्ञानिक र व्यवस्थीत नभएको भन्दै ज्ञापनपत्र बुझाइएको छ । शुक्रबार विद्यालयका विव्यस अध्यक्ष, प्रधानाध्यापक, शिक्षासंग सरोकार राख्ने ब्यक्तीहरुले कार्यपालिकालाई ज्ञापनपत्र बुझाएका हुन् ।
सरोकारवालाको सल्लाह बिनै समायोजन गर्न लागेको भन्दै असन्तुष्टी व्यक्त गरिएको छ ।
गाउँपालिका अध्यक्ष अमर बहादुर कुवर समक्ष पेस गरिएको ज्ञापनपत्रमा गत चैत २६ गते गाउँ कार्यपालिकाले गरेको निर्णय फिर्ता लिन माग गरिएको छ । विद्यालय समायोजनको निर्णय गर्नु भन्दा पहिला विद्यालय व्यवस्थापन समिति र अभिभावकहरु संग परामर्श लिनुपर्ने माग गरिएको छ ।
विद्यालय समायोजन प्रक्रिया नै त्रुटिपुर्ण रहेकाले निर्णय सञ्चालन माग गर्दै गाउँपालिका र शिक्षा समितिको ध्यानकर्षण गरेको सुर्यप्रकाश आधारभुत विद्यालयका विव्यस अध्यक्ष दिनेश भट्टले जानकारी दिए । गाउँपालिकाले अपरिक्क निर्णय गरेको र तत्काल निर्णय नगरे विभिन्न संघर्षका कार्यक्रम गर्ने उनले बताए ।
गाउँपालिकाले तयार पारेको विद्यालय समायोजन सम्बन्धी कार्यविधीमा त्रुटी रहेको उनीहरुको भनाई रहेको छ । अभिभावक तथा विद्यालय व्यवस्थापन समितिहरु संग सल्लाह र राय नलिइ विद्यालय समायोजन गरेको भन्दै गम्भिर ध्यानकर्षण भएको केदार आधारभुत विद्यालयका अध्यक्ष मान बहादुर चन्दले बताए ।
यसअघि गाउँपालिकाले पालिका भित्रका ४० ओटा सामुदायिक विद्यालयको अनुगमन गरेको थियो । त्यसमध्ये कार्यपालिकाको निर्णय अनुसार पालिका भित्रका १५ ओटा विद्यालयलाई समायोजनको पत्र पठाएको थियो ।
सुक्रबार बसेको कार्यपालिका बैठकमा समायोजन बारे दफावार छलफल भएको बताइएको छ । यस बिषयमा छलफल जारी रहेको गाउँपालिका अध्यक्ष अमर बहादुर कुवरले बताए । कार्यपालिकाकोृ बैठक शनिबार समेत जारी रहने भएको समायोजन बारे निर्णय आउन सक्ने अपेक्षा गरिएकोछ ।
