बैतडी घर भएकी एक बालिका भारतको दिल्लीबाट बेपत्ता

प्रदेश समाचार

Home
प्रदेश समाचार
बैतडी घर भएकी एक बालिका भारतको दिल्लीबाट बेपत्ता

बैतडी घर भएकी एक बालिका भारतको दिल्लीबाट बेपत्ता

बैतडीको मेलौली नगरपालिका –३ कुजागाड चिनाड घर भएकी १० वर्षीया हेमन्ती चन्द भारतको नयाँ दिल्लीबाट बेपत्ता भएकी छन् ।
सोमबार दिउँसोको समयमा किनमेलका लागि गएकी चन्द कोटला भन्ने स्थानीय बजारबाट बेपत्ता भएकी हुन् ।

पसलमा सामान किन्न गएकी चन्द पसलबाटै बेपत्ता भएकी स्थानीय जय चन्दले जानकारी दिएका छन् । उनका अनुसार सीसीटीभी क्यामेरामा कसैले हमन्तीलाई बोलाएर लगिरहेको देखिएको छ ।
बालिका हेमन्ती चन्दका बुवा जनक चन्दले प्रहरीलाई समेत जानकारी गराइसकेको अर्का आफन्त हरिराम पार्कीले जानकारी दिएका छन् । यस बारेमा त्यहाको प्रहरीले आवश्यक खोजी गरिरहेको जनाएको छ ।
बालिका चन्दको खोजीमा आवश्यक सहयोग गरीदिन सबैमा आग्रह गरिएको छ ।

प्रकाशित मिति: मंगलबार, वैशाख २५, २०८१ १०:३६

प्रतिक्रिया दिनुहोस्