बैतडीको जनप्रिय आधारभुत बिद्यालयको ५९ औँ बार्षिकोत्सव कार्यक्रम सम्पन्न

प्रदेश समाचार

Home
प्रदेश समाचार
बैतडीको जनप्रिय आधारभुत बिद्यालयको ५९ औँ बार्षिकोत्सव कार्यक्रम सम्पन्न

बैतडीको जनप्रिय आधारभुत बिद्यालयको ५९ औँ बार्षिकोत्सव कार्यक्रम सम्पन्न

बैतडीको पाटन नगरपालिका ९ काकस्यालि स्थित जनप्रिय आधारभुत बिद्यालयको ५९ औँ बार्षिकोत्सव कार्यक्रम सम्पन्न भएको छ । मंगलबार विभिन्न सास्कृतिक कार्यक्रमको आयोजना गरि ५९ औँ बार्षिकोत्सव तथा अभिभावक दिवस कार्यक्रम सम्पन्न भएको हो ।

प्रधानाध्यपक केशव भट्टले बिद्यालयको ३४ लाख ९९ हजार २११ रुपैँया ४८ पैशा बराबरको आयव्यय प्रस्तुत गर्नुभएको थियो । बार्षिकोत्सवको अवसरमा विद्यालय सञ्चालन गरेको बार्षिक परिक्षा तथा अन्य अतिरिक्त क्रियाकलपमा उत्कृष्ट हुने विद्यार्थीहरुलाई पुरस्कृत समेत गरिएको प्रधानाध्यपक केशव भट्टले जानकारी दिए ।

सो विद्यालयले कक्षा ८ को नगरस्तरिय बार्षिक परिक्षामा पालिका भरी नै उत्कृष्ट नतिजा ल्याएको थियो । यसैगरी विद्यालयको शैक्षिक गुणस्तर सुधारका लागि भूमिका खेल्ने शिक्षकहरु तथा अभिभावकहरुलाई समेत सम्मान गरिएको बिद्यालयले जनाएको छ ।
विद्यालय व्यवस्थापन समितिका अध्यक्ष समेत रहेका पाटन नगरपालिका ९ का वडाअध्यक्ष कालु सिह भाटको सभाध्यक्षता सुरु भएको कार्यक्रममा प्रमुख अतिथि पाटन नगरपालिकाका नगरप्रमुख गौरीसिंह रावल रहनुभएको थियो । यस्तै बिशिष्ट अतिथिमा पाटन नगरपालिका ३ का वडाध्यक्ष करुणाकर भट्ट, वडा नम्बर ६ का वडाअध्यक्ष राजेन्द्र सिंह बिष्ट, वडा नम्बर १० का वडाअध्यक्ष धनबहादुर कुवँर लगायत विभिन्न विद्यालयका प्रअ, शिक्षक जनप्रतिनिधि रहनुभएको थियो ।

कार्यक्रममा बोल्दै नगरप्रमुख रावलले विद्यालयको चौतर्फी विकासका लागि आफु नगरपालिका पुर्णरुपमा प्रतिवद्ध रहेको समेत बताए ।

प्रकाशित मिति: मंगलबार, वैशाख २५, २०८१ १८:४९

प्रतिक्रिया दिनुहोस्