बैतडीमा जिप दुर्घटना, ७ जना घाइते

प्रदेश समाचार

Home
प्रदेश समाचार
बैतडीमा जिप दुर्घटना, ७ जना घाइते

बैतडीमा जिप दुर्घटना, ७ जना घाइते

बैतडीमा जिप दुर्घटना हुदा ७ जना घाइते भएका छन् ।
धनगढीबाट बैतडीको तल्लादेहीका लागि आइरहेको सुपप्र ०२००१ज ३८५ नम्बरको जिप महाकाली राजमार्गमा अन्तरगतको सत्बाज- गोकुलेश्वर सडकखण्डमा पर्ने बैतडीको सुर्नया गाउपालिका-३ सिदुन भन्ने स्थानमा बुधबार बिहान करिब २ बजेको समयमा दुर्घटनामा परेको हो ।
दुर्घटनामा परी जिपमा सवार ७ जना घाइते भएका छन् । घाइते हुनेमा बैतडीको पुर्चौंडी नगरपालिका वडा नं ९ तल्लादेहीका २७ बर्षीय दिपक पार्की, उनका ८ बर्षीय छोरा छोरा प्रदीप पार्की, सोही ठाउँका ४९ बर्षीय धनजीत पार्की, उनकी १५ बर्षीया छोरी रेखा पार्की र सोही ठाउँकी २२ बर्षीया कृष्णा पार्की, डिलाशैनी गाउँपालिका ४ तडीबटाका ३३ बर्षीय करबीर सार्की र ७४ बर्षीय मनोरी सार्की रहेको जिल्ला प्रहरी कार्यालय बैतडीका प्रबक्ता, प्रहरी निरीक्षक नन्दराज जोशीले जानकारी दिए ।

घाइते मध्ये प्रदीप पार्की र रेखा पार्कीलाई थप उपचारका लागि धनगढी रेफर गरिएको छ भने अन्यको जिल्ला अस्पताल बैतडीमा उपचार भइरहेको छ ।
जिप अनियन्त्रित भएर सडकबाट अन्दाजी ६५ मिटर तल खसेको बताइएको छ । जिप चालक पुर्चौंडी नगरपालिका ९ तल्लादेहीका २३ बर्षीय सुरेन्द्र पुजारा फरार रहेका प्रहरी निरीक्षक जोशीले बताए ।
जिपमा कतिजना सवार थिएभन्ने यकिन भएको छैन । घटनाका बिषयमा थप अनुसन्धान भइरहेको प्रहरीले जनाएको छ ।

प्रकाशित मिति: बुधबार, वैशाख २६, २०८१ ०८:१०

प्रतिक्रिया दिनुहोस्