बैतडीबाट व्यावसायिक कफी खेतीको सुभारम्भ, मन्त्री भण्डारीद्वारा उद्घाटन

प्रदेश समाचार

Home
प्रदेश समाचार
बैतडीबाट व्यावसायिक कफी खेतीको सुभारम्भ, मन्त्री भण्डारीद्वारा उद्घाटन

बैतडीबाट व्यावसायिक कफी खेतीको सुभारम्भ, मन्त्री भण्डारीद्वारा उद्घाटन

कफीको बोट रोपेर कफी खेतीको सुभारम्भ गर्दै मन्त्री दामोदर भण्डारी, तस्बिरः मन्त्री सचिवालय

बैतडी,
नेपालमा व्यावसायिक कफी खेतीको सुभारम्भ गरिएको छ । बैतडी पुगेर उद्योग बाणिज्य तथा आपूर्ति मन्त्री दामोदर भण्डारीले व्यावसायिक कफी खेतीको सुभारम्भ गरेका हुन् ।
युरोपियन युनियनको प्राविधिक तथा आर्थिक सहयोगमा नेपालमा यस वर्षदेखि कफी खेती सुभारम्भ गर्ने कार्यक्रम अन्तरगत बैतडीबाट यस कार्यक्रमको सुभारम्भ गरिएको उद्योग बाणिज्य तथा आपूर्ति मन्त्रालयका सहसचिव बाबुराम अधिकारीले जानकारी दिए । कफी समुद्री सतहको ८ सयदेखि १६ सय मिटरको उचाईमा फल्ने भएकाले नेपालमा यसको राम्रो सम्भावना रहेको सहसचिव अधिकारीले बताए । बैतडीबाट यस कार्यक्रमको सुभारम्भ गरिएको र देशका अन्य जिल्लाहरुमा पनि यो कार्यक्रमको थालनी गरिने सहसचिव अधिकारीले बताए ।
बैतडीको पाटनमा कफी खेती रोपण कार्यक्रमको सुभारम्भ गर्दै उद्योग बाणिज्य तथा आपूर्ती मन्त्री दामोदर भण्डारीले कफी खेतीको विकास प्रशोधन र प्रवद्र्धन गरी आयआर्जन र गरिबी न्युनिकरणमा ठोस उपलब्धी हासिल गर्न यस कार्यक्रमबाट टेवा पुग्ने विश्वास व्यक्त गरे ।
‘नेपालमा कफिको माग विस्तार भइरहेको छ, नेपालमा घरेलु उत्पादनबाट अपूर्ती हुन सकेको छैन,’ मन्त्री भण्डारीले भने, ‘कफीको बजारीकरणमा कुनै समस्या हुदैन, उत्पदानलाई व्यावासायिक र परिणामयुक्त बनाउन आवश्यक देखिएको छ,’ ।
पहिलो चरणमा बैतडीको पाटन नगरपालिका र डिलासैनी गाउँपालिकामा नमुनाको रुपमा यो कार्यक्रम कार्यान्वयन हुने बताइएको छ ।
कफी खेती कार्यक्रममा पाटन नगरपालिका र डिलाशैनी गाउँपालिकाबाट छनौट भएका कृषकहरुलाई जेठ ६ र ७ गते तालिम प्रदान गरिने पाटन नगरपालिकाका कृषि शाखा प्रमुख महेश अवस्थीले जानकारी दिए ।
पाटन नगरपालिकाका नगर प्रमुख गौरी सिंह रावलको सभाध्यक्ष्तामा सम्पन्न भएको कफी रोपण सुभारम्भ कार्यक्रमका प्रमुख अतिथि उद्योग बाणिज्य तथा आपूर्ति मन्त्री दामोदर भण्डारी रहनु भएको थियो । कार्यक्रममा नगर उपप्रमुख कमल सिंह बोहरा, पाटन नगरपालिकाका नगरउपप्रमुख कमल सिंह बोहरालगायत जनप्रतिनिधिहरुको सहभागिता रहेको थियो ।

प्रकाशित मिति: बिहीबार, जेठ ३, २०८१ ११:००

प्रतिक्रिया दिनुहोस्