पाटन–९मा चालु आर्थिक वर्षका योजनाको सयुक्त अनुगमन

प्रदेश समाचार

Home
प्रदेश समाचार
पाटन–९मा चालु आर्थिक वर्षका योजनाको सयुक्त अनुगमन

पाटन–९मा चालु आर्थिक वर्षका योजनाको सयुक्त अनुगमन

बैतडी,
बैतडीको पाटन नगरपालिका–९मा चालू आर्थिक वर्षमा निर्माण सम्पन्न भएका योजनाहरुको सयुक्त अनुगमन गरिएको छ । शनिबार वडा अध्यक्ष कालु सिंह भाटको नेतृत्वमा अनुगमन गरिएको हो।
अनुगमन कार्यक्रममा वडा अध्यक्ष भाट सहित जिल्ला समन्वय समितिका सदस्य प्रेम सिंह भाट, टोल विकास संस्थाका प्रमुख एवं प्रतिनिधि, वडामा कार्यान्वयन भइरहेका योजनाका अध्यक्ष, वडास्तरीय महिला संजाल, दलित संजालका प्रमुख एवं प्रतिनिधिहरुको सहभागिता रहेको थियो ।
अनुगमन कार्यक्रममा सहभागिहरुले चालू आर्थिक वर्षमा कार्यान्वयन भएका योजनाको बारेमा जिज्ञासा पनि ाखेका थिए । उक्त जिज्ञासाको जवाफ उपभोक्ता समितिका अध्यक्ष एवं वडाका जनप्रतिनिधिहरुले दिएका थिए ।
आम सर्बसाधारणहरुको प्रत्यक्ष संलग्नतामा योजनाहरु कार्यान्वयन गरिएको जिल्ला समन्वय समितिाक सदस्य प्रेम सिंह भाटले बताए । आम सर्बसाधारण र सेवाग्राहीहरुले योजना कार्यान्वयनमा निको पारदर्शीता देखाएको समेत उनले बताए । अनुगमनका सहभागिहरुबाट पनि वडाको विकासका लागि आवश्यक सुझाव संकलन भइरहेको उनले बताए ।
वडा अध्यक्ष कालु सिंह भाटले नागरिकहरुको आवश्यकता अनुसार कार्यक्रमहरु कार्यान्वयन गर्न वडा सरकार लागि परेको बताए । स–साना योजनादेखि वडाको पहिचानसँग जोडिएका कार्यक्रम कार्यान्वयनमा आफहरु सक्रिय रहेको अध्यक्ष भाटले बताए ।
अनुगमनका सहभागिहरुले वडामा भइरहका कामहरु सन्तोषजनक रहेको बताएका छन् ।
सिद्धेस्वर माविको अधुरो भवन निर्माण समितिका अध्यक्ष कृष्ण सिंह भाटले वडामा भइरहेका योजनाहरुमा उपभोक्ताहरुले पनि चासो दिनुपर्ने धारणा राखे । उपभोक्ताहरुले गर्नुपर्ने जनश्रमदानमा सबै उपभोक्ताहरुको सहभागिता हुनुपर्ने उनको जोड थियो ।
धार्मिक क्षेत्रको योजनामा उपभोक्ताहरुको श्रमदान हुने तर अन्य योजनामा उपभोक्ताहरुले चासो कम दिइरहेको उनको भनाइ थियो ।
वडा कार्यालयबाट कार्यान्वयन हुने योजनाहरु निकौ सन्तोषजनक रहेको र दीर्घकालिन समयसम्म महत्व राख्ने योजनाहरु कार्यान्वयन गरिनुपर्ने अनुगमनमा सहभागि धन सिंह भण्डारीले सुझाव दिए ।

प्रकाशित मिति: शनिबार, जेठ ५, २०८१ १९:३४

प्रतिक्रिया दिनुहोस्