पाटन–९ मा बाल सञ्जाल र युवा क्लबका पदाधिकारीलाई तालिम,नयाँ समिति गठन

प्रदेश समाचार

Home
प्रदेश समाचार
पाटन–९ मा बाल सञ्जाल र युवा क्लबका पदाधिकारीलाई तालिम,नयाँ समिति गठन

पाटन–९ मा बाल सञ्जाल र युवा क्लबका पदाधिकारीलाई तालिम,नयाँ समिति गठन

बैतडी,
बैतडीको पाटन नगरपालिका–९ मा वडास्तरीय बाल सञ्जाल र युवा क्वलबका पदाधीकारीहरुलाई क्षमता अभिवृद्धि तालिम आयोजना गरिएको छ । वडा कार्यालयको आयोजनामा आइतबारदेखि सुरु भएको दुई दिने तालिम सोमबार सम्पन्न भएको हो ।
बालबालिकाहरुको क्षमता अभिवृद्धि गरी सामाजिक सचेतनाको विकास गर्ने उदेश्यले यो कार्यक्रमको आयोजना गरिएको वडा अध्यक्ष कालु सिंह भाटले बताए । यस कार्यक्रममा बाल सञ्जाल र युवा क्लबका पदाधिकारी गरी ४५ जनाको सहभागिता रहेको वडा सचिव रामदत्त जोशीले जानकारी दिए ।
वडा अध्यक्ष कालु सिंह भाटको सभाध्यक्षतामा सम्पन्न कार्यक्रमका प्रमुख अतिथि जिल्ला समन्वय समितिका सदस्य प्रेम सिंह भाट रहनु भएको थियो ।
कार्यक्रमका प्रमुख अतिथि भाटले यस कार्यक्रमबाट बालबालिका र युवाहरुको क्षमता अभिवृद्धि गरी समाज रुपान्त्रणमा टेवा पुग्ने विश्वास व्यक्त गर्नुभयो । यस कार्यक्रममा सिकको विषयहरुलाई व्यवहारमा उतार्नेमा वडा कार्यालय विश्वस्त रहेको बताए ।
यसैगरी यस तालिम पश्चात बालक्लब र युवा क्लबको पुनरगठन गरिएको छ भने वडास्तरीय स्वयमसेवक समिति गठन गरिएको छ ।
अर्चना भण्डारीको अध्यक्षतामा वडास्तरीय युवा क्लब गठन गरिएको छ, भने बिक्रम भण्डारीको अध्यक्ष्तामा वडास्थरी बाल सञ्जाल गठन गरिएको छ । यसैगरी रोशनदेव भट्टको संयोजकत्वमा वडास्तरीय स्वयमसवक समिति गठन गरिएको छ ।

प्रकाशित मिति: सोमबार, जेठ ७, २०८१ १८:०१

प्रतिक्रिया दिनुहोस्