बैतडीको पाटन–९मा वडास्तरीय सहकारी संस्था गठन,अध्यक्षमा प्रेम सिंह भाट

प्रदेश समाचार

Home
प्रदेश समाचार
बैतडीको पाटन–९मा वडास्तरीय सहकारी संस्था गठन,अध्यक्षमा प्रेम सिंह भाट

बैतडीको पाटन–९मा वडास्तरीय सहकारी संस्था गठन,अध्यक्षमा प्रेम सिंह भाट

बैतडी,
बैतडीको पाटन नगरपालिका–९मा वडास्तरीय सहकारी संस्था गठन गरिएको छ । जिल्ला समन्वय समितिका सदस्य प्रेम सिंह भाटको संयोजकत्वमा २५ सदस्यीय तदर्थ समिति गठन गरिएको हो ।
ओखलेश्वर बहुउद्धेश्यीय कृषि सहकारी संस्था लीमिटेड नाम दिइएको यस सहकारी संस्थाले कृषि ग्रामिण क्षेत्रको जिपिकोपार्जन सँग सम्बन्धित कार्य गर्ने बताइएको छ ।
सामुहिकरुपमा कृषिजन्य कार्यक्रमहरु गर्नको लागि यस सहकारी संस्थाले मुख्य भूमिका खेल्ने विश्वास गरिएको छ । यो सहकारी यस वडाको पहिलो सहकारी हो ।
आर्थिक बचतसँगै जिपिकोपार्जनका कार्यक्रम गर्नको लागि यो संथाले मुख्य भूमिका खेल्ने तदर्थ समिति संयोजक भाटले जानकारी दिए । सुरुवातमै बलियो पुजी खडागरी निकट भविश्यमै फड्को मार्ने तरिकाले आवश्यक आन्तरिक तयारी भइरहेको उनले बताए ।
यस सहकारीमा यस वडाका सबै परिवारलाई समेट्ने बताइएको छ ।
यस सहकारी मार्फत कुनैपनि कृषि तथा जिपिकोपार्जनका कार्यक्रम गर्न सहज हुने वडा अध्यक्ष कालु सिंह भाटले बताए ।
यस वडामा सहकारी नै नहुदा वडाबाट सहकारी मार्फत कार्यक्रम अघि बढाउन नसकिएकोमा यस सहकारी मार्फत सहकारीजन्य कार्यक्रम गर्न पनि सहज हुने वडा सचिव रामदत्त जोशीले बताए ।
वडास्तरीय सहकारी गठनका लागि प्रारम्भिक छलफल कार्यक्रममा पाटन नगरपालिकाका नगर प्रमुख गौरी सिंह रावल लगायतका सरोकारवाला प्रतिनिधिहरुको बाक्लो उपस्थिति थियो ।
सहकारी गठनका लागि प्रारम्भिक छलफल कार्यक्रममा बोल्दै नगर प्रमुख रावलले सहकारीबाट आर्थिक जिपिको पार्जन तथा कृषिजन्य कार्यक्रम गर्नमा निकै मद्दत पुग्ने बताए । नगरपालिकाबाट पनि आवश्यक सहयोग रहने नगर प्रमुख रावलले बताए ।
वडा अध्यक्ष कालु सिंह भाटको संयोजकत्वमा सल्लाहकार समिति पनि गठन गरिएको छ ।