बैतडीको सडक डिभिजन कार्यालयमा तालाबन्दी, स्थानीय आन्दोलित

प्रदेश समाचार

Home
प्रदेश समाचार
बैतडीको सडक डिभिजन कार्यालयमा तालाबन्दी, स्थानीय आन्दोलित

बैतडीको सडक डिभिजन कार्यालयमा तालाबन्दी, स्थानीय आन्दोलित

बैतडी,
बैतडीको पाटन स्थित सडक डिभिजनको कार्यालयमा तालाबन्दी गरिएको छ । पाटन नगरपालिका–१ र ७ जोड्ने सुर्नया नदीमाथि बन्न लागेको मोटरेबल पुल निर्माणमा लापरवाही गरेको भन्दै सडक डिभिजन कार्यालयको कार्यालय प्रमुख, लेखा शाखा र प्राविधिक शाखामा तालाबन्दी गरिएको हो ।
स्थानीयहरुले बुधबार संघर्षका कार्यक्रम स्वरुप तालाबन्दी गरेको वडा नं १ का वडा अध्यक्ष तर्क सिंह ठगुन्नाले जानकबारी दिए । संघर्षको कार्यक्रममा वडा नं १ र ७ का स्थानीयहरु सहभागि भई संघर्षमा उत्रिएको वडा अधयक्ष ठगुन्नाले बताए ।
बुधबार दिउँसो स्थानीयहरु सहभागि भई एक घण्टा राजमार्ग समेत अवरुद्ध गरेका थिए ।
सडक डिभिजन कार्यालयका प्रमुख मुकुन्द लामिछानेले पुल निर्माणको विषयमा ठोस निर्णय दिनुपर्ने संघर्षरत पक्षको माग रहेको छ ।
निर्माण कम्पनीलाई कालो सुचीमा राख्ने प्रक्रियामा रहेको सडक डिभिजन कार्यालयले जनाएको छ । यसका लागि जेठ ११ गते नै १५ दिने सूचना काटिएको डिभिजन कार्यालयका ईन्जिनियर लिलाधर भट्टले जानकारी दिए ।
२०७१ साल साउन ६ गते ३ वर्षभित्रै निर्माण सम्पन्न गर्ने भन्दै २ करोड ९१ लाख २७ हजार ३५५ रुपैयामा चितवनको एड्भेन्चर कन्ट्रक्सन प्रालीसँग सम्झौता भएको थियो । सम्झौता भएको १० वर्ष पुरा भइसक्दापनि हालसम्म पुल निर्माणको काम पुरा भएको छैन । हालसम्म करिब ७० प्रतिशत मात्रै काम पुरा भएको छ ।
बेलाबेला सडक डिभिजन कार्यालयलाई पुल निर्माणको काम छिटो गराउन माग गर्दापनि ठोस प्रगति नभएपछि आन्दोलनमा उत्रिनु पर्ने अवस्था आएको स्थानीयहरुको भनाइ रहको छ । उक्त पुल नबन्दा वडा नं १ र ७ का स्थानीयहरुलाई निकै सास्ती भइरहेको छ ।
सडक डिभिजन कार्यालयका प्रमुखले पुल निर्माणको लागि ठोस निर्णय नदिएसम्म तालाबन्दी जारी रहने संघर्षका सहभागिहरुले बताएछन् । निर्माण कम्पनीका प्रतिनिधि र डिभिजन कार्यालयका प्रमुखसहितको मिलोमतोमा ढिलासुस्ती भइरहेको स्थानीयहरुको आरोप छ ।

प्रकाशित मिति: बुधबार, जेठ १६, २०८१ १९:३२

प्रतिक्रिया दिनुहोस्