बैतडी: सडक डिभिजनको ताला खुल्यो,आइतबार ठोस निष्कर्ष ननिस्किए फेरी बृहत संघर्ष

प्रदेश समाचार

Home
प्रदेश समाचार
बैतडी: सडक डिभिजनको ताला खुल्यो,आइतबार ठोस निष्कर्ष ननिस्किए फेरी बृहत संघर्ष

बैतडी: सडक डिभिजनको ताला खुल्यो,आइतबार ठोस निष्कर्ष ननिस्किए फेरी बृहत संघर्ष

बैतडीको पाटन स्थित सडक डिभिजन कार्यालयमा लगाइएका ताला खुलेको छ । सडक डिभिजन कार्यालयका प्रमुख आइतबार बिहान मात्रै कार्यालयमा उपस्थित हुने र सोही दिन बृहत छलफलगरी ठोस निष्कर्समा पुग्ने सहमती भएपछि तालाबन्दी खोलिएको हो ।

पाटन–१ र ७ जोड्ने सुर्नया नदीमाथिको पुल १० वर्षसम्म बन्न नसकेको र बेलाबेला कार्यालयबाट आश्वासन मात्रै पाइएको भन्दै ठोस निष्कर्सको मागसहित बुधबार वडा नं १का स्थानीयहरुले तालाबन्दी गरेका थिए ।

सडक डिभिजन कार्यालयका प्रमुख मुकुन्द लामिछानेले पुल निर्माणको विषयमा ठोस निर्णय दिनुपर्ने संघर्षरत पक्षको माग रहेको थियो । आइतबार यस विषयमा बृहत छलफल गर्ने र ठोस सहमती हुन नसके पुनः आन्दोलनका थप कार्यक्रम अघि बढाउने सहमतीमा ताला खोलिएको हो ।

आइतबार यस विषयमा छलफल हुने र हालका लागि तालाबन्दी खोलिएको सडक डिभिजन कार्यालयका इन्जिनियर लिलाधर भट्टले जानकारी दिए ।

२०७१ साल साउन ६ गते ३ वर्षभित्रै निर्माण सम्पन्न गर्ने भन्दै २ करोड ९१ लाख २७ हजार ३५५ रुपैयामा चितवनको एड्भेन्चर कन्ट्रक्सन प्रालीसँग सम्झौता भएको थियो । सम्झौता भएको १० वर्ष पुरा भइसक्दापनि हालसम्म पुल निर्माणको काम पुरा भएको छैन । हालसम्म करिब ७० प्रतिशत मात्रै काम पुरा भएको छ ।

निर्माण कम्पनीलाई कालो सुचीमा राख्ने प्रक्रियामा रहेको सडक डिभिजन कार्यालयले जनाएको छ । यसका लागि जेठ ११ गते नै १५ दिने सूचना काटिएको डिभिजन कार्यालयका ईन्जिनियर लिलाधर भट्टले जानकारी दिए ।

प्रकाशित मिति: बिहीबार, जेठ १७, २०८१ १९:०४

प्रतिक्रिया दिनुहोस्