बैतडी ।
बैतडीको डिलाशैनी गाउँपालिकाले गाउँपालिका भित्रका विद्यालयहरुमा शैक्षिक गुणस्तर सुधारको योजना बनाउनका लागि ३ दिने शैक्षिक सम्मेलनको आयोजना गरेको छ ।
वडा न.६ स्थीत सेटिगाउँ बहुमुखी क्याम्पसमा सम्मेलन भैरहेको छ । शैक्षिक सम्मेलनमा विद्यालय सुधार योजना, विद्यार्थीद्वारा विज्ञान तथा कला प्रर्दशनी र समापनका दिन विद्यार्थीहरुको नृत्य प्रतियोगीता राखिएको छ ।
सम्मेलनको पहिलो दिन शिक्षकहरुले विद्यालय सुधारका लागि तयार पारेको पञ्चपबर्षीय योजना क्क्ष्ए प्रस्तुत गरेकाछन् । शिक्षकहरुले प्रस्तुत गरेको पञ्चवर्षीय कार्ययोजना प्रति गाउँपालिकाका जनप्रतिनिधिहरु सन्तुष्ट खेखिएनन् । केहि विद्यालयका शिक्षकले वर्तमान अवस्थाको अध्ययन गरि ठिकै खाले कार्ययोजना प्रस्तुत गरेपनि केतिपय विद्यालयको कार्ययोजना अधुरो र अस्पष्ट थियो । जनप्रतिनिधिले केहि शिक्षकका योजनालाई कपि–पेष्ट समेत भनेका छन् ।
विद्यालयको ५ बर्षका लागि तयार गर्नुपर्ने कार्ययोजनामा भौतिक संरचना देखी सबैजसो आवस्यकताहरु उल्लेख हुन्छ । तर केहि विद्यालयको योजनाले आवश्यकता वेगरका भौतिक संरचनाको लागि माग गरिएको तर महत्व दिनुपर्ने कुराहरुलाई बेवास्ता गरिएको दखिन्छ ।
शैक्षिक सम्मेलनको देश्रो दिन विद्यार्थीहरुले विज्ञान तथा कला प्रर्दशनी गरेकाछन् । विज्ञान तथा कला प्रर्दशनीमा विद्यार्थीहरुले नमुनाको रुपमा बनाएका सामग्रीहरु जसमा अधिकांश विद्यार्थीले सडक खन्ने डोजर, गाडी, एटिएम मेसिन, घरायसी कामकाजमा प्रयोग हुने औजारहरु प्रर्दशन गरेकाछन् । विद्यार्थीहरुले बनाएर उपकरणको प्रर्दशनी गर्ने कार्यक्रम भने निकै महत्वपुर्ण रह्यो । विद्यार्थीहरुले विज्ञान विषय अध्ययन गदैगर्दा बनाएका सामग्रीहरु प्रयोगात्मक अभ्यास भएकाले विद्यार्थीहरुले सिकाई उपलब्धीमुलक रहेको देखिन्छ ।
विज्ञान विषय अध्ययनका क्रममा आफैले आविस्कार गरेका उपकरणहरु प्रर्दशन गर्न पाउँदा विद्यार्थीहरु हर्शित भएका छन् । उनिहरुले कला प्रर्दशनीका कार्यक्रमा आगामी दिनमा समेत आयोजना गर्न गाउँपालिका समक्ष अनुरोध गरेका छन् । यस कार्यक्रममा सहभागी हुन पाउदाँ हौसला बढेको विद्यार्थीहरुले भनाई छ ।
शैक्षिक गुणस्तरको सुधार गर्न शिक्षक, विद्याथी, अभिभावकले बढी जिम्मेवार हुनुपर्ने अनेरास्ववियुका केन्द्रीय उपाध्यक्ष गोविन्द गिरी बताउछन् । शिक्षकहरुले प्रस्तुत गरेको कार्ययोजना सुनिरहेका गिरीले विद्यालयले स्पष्ट योजनाका साथ शैक्षिक गतिविधि सुचारु गरे मात्रै शिक्षा क्षेत्र सुधार हुने बताए ।
शिक्षाको गुणस्तर सुधार गरि समुन्नत डिलाशैनी बनाउने अभियान थालेको गाउँपालिका अध्यक्ष सन्तोश प्रकाश जोशीको भनाई छ । शिक्षा क्षेत्रको सुधार गरि सामाजीक विकृतिहरु हटाउनुका साथै बेरोजगारीको अन्त्य गरि आत्र्मनिर्भरता उन्मुख समाजको निर्माण हुने उनको भनाई छ ।
