पाटन–८मा शैक्षिक अन्तरक्रिया, गुणस्तर सुधारका लागि बुदागत सहमति

प्रदेश समाचार

Home
प्रदेश समाचार
पाटन–८मा शैक्षिक अन्तरक्रिया, गुणस्तर सुधारका लागि बुदागत सहमति

पाटन–८मा शैक्षिक अन्तरक्रिया, गुणस्तर सुधारका लागि बुदागत सहमति

बैतडी,
बैतडीको पाटन नगरपालिकाका ८ मा शैक्षिक गुणस्तर अभिवृद्धिका लागि अन्तरक्रिया कार्यक्रम गरिएको छ । सेवा क्षेत्रभित्रका विद्यालयका प्रद्यानाध्यापक, विव्यसका अध्यक्ष लगायतको सहभागितामा अन्तरक्रिया कार्यक्रमको आयोजना गरिएको हो ।
सेवा क्षेत्रभित्रका चारवटै विद्यालयका प्रद्यानाध्यापक एवं प्रतिनिधि, विव्यसका अध्यक्ष एवं प्रतिनिधिको सहभागितामा शैक्षिक गुणस्तर सुधारका लागि अनपाउन सकिने कार्यका विषयमा छलफल गरिएको थियो ।
आजकै अन्तरक्रिया कार्यक्रमबाट केही महत्वपूर्ण निर्णयहरु पनि भएका छन् । शिक्षाको सिकाईस्तर सुधार गर्न बुदागत सहमती भएको हो ।
अभिभावकसँग नियमित अन्तरक्रिया गर्ने र प्रत्येक महिना बैठक अनिवार्य बसाउने, विव्यसमा पढाईको स्तरबृद्धिबारे अनिवार्य छलफल गर्नुपर्ने, शिक्षकहरुको बैठकबाट प्रत्येकको कमिकमजोरी पत्ता लगाई सुधारात्म पाटेतिर अघि बढ्ने, वडाका विद्यालयहरुमा अवलोकन भ्रमण गर्ने, विद्यार्थीको घरपरिवारमा पढाईको बातावरण बारे बुझ्ने, विव्यस, प्रअ र शिक्षकबीच करार सम्झौता गर्ने लगायतका विषयमा बुदागत सहमती जनाइएको र सोही अनुसार चालु शैक्षिकसत्रमा कामको थालनी गरिने बताइएको छ ।
कार्यक्रमका सहभागि पाटन नगरपालिकाका शिक्षा शाखा प्रमुख बिर्खराज भट्टले विद्यालयमा देखिएका समस्याका विषयमा यस छलफलबाट राम्रो प्रभाव पर्ने बताए ।
कार्यक्रमका सभाध्यक्ष एवं वडा अध्यक्ष हरिश बिष्टले वडा कार्यालय र सेवा क्षेत्रका विद्यालयहरुमा सकारात्मक गतिबिधि भइरहेकाले यसले अभिभावकमा राम्रो सन्देश गएको बताए । विद्यालयमा देखिएका समस्या समाधानका विषयमा आवश्यक पहल गर्ने प्रतिवद्धता समेत जनाए ।
विद्यालयमा देखिएका समस्याहरुको पहिचानको लागि समिति गठन गरिएको र यस समितिले वास्तविक समस्याको पहिचान गर्नेमा विश्वस्त रहेको समेत अवगत गराए ।
वडा नं ८ का वडा अध्यक्ष एवं सामाजिक विकास समिति संयोजक हरिश बिष्टको सभाध्यक्षतामा आयोजना गरिएको अन्तरक्रिया कार्यक्रममा वडा सदस्यहरु, शिक्षा शाखाका निमित्त प्रमुख बिर्खराज भट्ट, नगर शिक्षा समितिका सदस्य मोहन सिंह बिष्ट लगायतका सरोकारवाला प्रतिनिधिहरुको सहभागिता रहेको थियो ।

प्रकाशित मिति: शुक्रबार, जेठ १८, २०८१ १७:१६

प्रतिक्रिया दिनुहोस्