बैतडी,
बैतडीको पाटन नगरपालिका–९ स्थित ज्ञानेश्वर नमुना माविमा शिक्षण सिकाइमा प्रविधिको प्रयोग सम्बन्धि शिक्षकहरुका लागि तालिम सुरु भएको छ । शुक्रबारबाट सुरु भएको ३ दिने तालिमको एक कार्यक्रमकाबीच उद्घाटन गरिएको छ ।
वडा नं ८ का वडा अध्यक्ष एंव विद्यालय व्यवस्थापन समितिका अध्यक्ष हरिश बिष्टको सभाध्यक्षतामा आयोजना गरिएको उद्घाटन कार्यक्रममा प्रमुख अतिथि पाटन नगरपालिकाका नगर प्रमुख गौरी सिंह लावल रहनु भएको थियो । कार्यक्रममा विशिष्ट अतिथिको रुपमा शिक्षा निर्देशनालयका निर्देशक दुर्गादत्त बिष्ट रहनु भएको थियो ।
नमुना विकास कार्यक्रममा समावेस भएपछि यस विद्यालयमा प्रविधिको पहुँच पुगेको र प्रविधिको भरपूर उपयोगका लागि यस तालिमको सुभारम्भ गरिएको विद्यालयका सह प्रद्यानाध्यापक एवं कार्यक्रम सञ्चालक धन बहादुर महराले जानकारी गराए ।
समुद्घाटन कार्यक्रममा विद्यालयका मावि संयोजक एवं आइटी इन्चार्ज कृष्ण सिंह बिष्टले तालिमको नमुना प्रस्तुत गरेका थिए । विद्यालयमा हालसम्म प्रयोग हुदै आएको प्रविधिको विषयमा जानकारी गराउदै विष्टले यस तालिमबाट थप सिप हासिल हुने विश्वास व्यक्त गरे ।
यस तालिमबाट शिक्षकहरुको पेशागत विकासमा भरपूर टेवा पुग्ने प्रद्यानाध्यापक पुष्पराज जोशीले बताए ।
प्रविधिको प्रयोगबाट सिकाइमा करिब २५ प्रतिशतसम्म सुधार आउने भएकाले यस विद्यालयमा उपलब्ध श्रोत साधनको भरपूर उपयोग गरी शिक्षण सिकाई प्रभावकारी रुपमा अघि बढाउनुपर्नेमा पाटन नगरपालिकाका शिक्षा शाखा प्रमुख बिर्खराज भट्टले जोड दिए ।
कार्यक्रमका विशिष्ट अतिथिको रुपमा रहेका शिक्षा निर्देशनालयका निर्देशक दुर्गदत्त बिष्टले ज्ञानेश्वर माविको विकासका लागि उर्जाशील टिम रहेको बताउनुभयो । यस विद्यालयले सहायक विद्यालयमा टेवा पु¥याउनुपर्ने समेत धारणा राखे ।
शिक्षाका अधिकांश जसो अधिकार स्थानीय तहमा आएकाले स्थानीय तह र शिक्षा शाखा बढी जिम्मेवार बन्नुपर्नेमा निर्देशक बिष्टको जोड थियो । प्रयाप्त अनुगमन हुनेपर्ने उनले औँल्याए ।
समयानुकल शिक्षाको खाँचौ औल्याउदै निर्देशक बिष्टले प्रविधि अनुसारको शिक्षामा जोड दिन नसके विद्यार्थीले शिक्षकलाई पढाउने समय आउन सक्नेमा शिक्षकहरुलाई सचेत गराए ।
तालिम समुद्घाटन कार्यक्रमका प्रमुख अतिथि समेत रहनु भएका नगर प्रमुख गौरी सिंह रावलले शैक्षिक गुणस्तर सुधारको लागि पाटन नगरपालिकाले सक्दो अतिरिक्त कार्य गरिरहेको बताए । ‘हामिसँग बजेट निश्चित मात्रै हुन्छ, आन्तरिक आय न्युन छ, सक्नेजती गरिरहेका छौँ,’ नगर प्रमुख रावलले भने ।
औपचारिक कार्यक्रमको समापन गर्दै समुद्घाटसत्रका सभाध्यक्ष हरिश बिष्टले नमुना विकास कार्यक्रममा परेको यस विद्यालयलाई शैक्षिक गुणस्तरमा पनि नमुना बनाउनको लागि शिक्षकहरुको भुमिका अपरिहार्य भएको बताए । भौतिक प्रविधिमैत्री शैक्षिक सामाग्रीको उपलब्धता रहेको र तीनको प्रयोगबाट सिकाई अभिवृद्धिमा सक्दो प्रयास गर्नुपर्ने बताए ।
