सुर्नया–४स्थित पञ्चदेव आविको आर्थिक अनियमितताको विषयमा सर्वत्र चासो

प्रदेश समाचार

Home
प्रदेश समाचार
सुर्नया–४स्थित पञ्चदेव आविको आर्थिक अनियमितताको विषयमा सर्वत्र चासो

सुर्नया–४स्थित पञ्चदेव आविको आर्थिक अनियमितताको विषयमा सर्वत्र चासो

बैतडीको सुर्नया गाउँपालिका–४ स्थित पञ्चदेव आधारभूत विद्यालयमा शिक्षक नियुक्तीमा भएको आर्थिक अनियमितामा पालिकाले चासो राखेको छ । यसरी शिक्षक नियुक्तितमा खुल्लमखुल्ला आर्थिक अनियमितता भइरहेको विषय बाहिर आएइपछि यस विषयमा जाँचबुझ गरिने गाउँपालिकाले जनाएको छ ।
उक्त विद्यालयमा शिक्षक नियुक्ति र दिवा खाजा कार्यक्रमको नाममा भएको मनोमानीका विषयमा पालिकाले आइतबार नै चासो राखेको थियो ।
यसेगरी शिक्षा विकास तथा समन्वय इकाईल पनि यस विषयमा चासो राखेको छ । उक्त विद्यालयमा भएको घटनाको विषयमा आन्तरिक रुपमा बुझ्ने काम भइरहेको इकाई प्रमुख प्रमुख नरेन्द्र अवस्थी बताए ।
‘त्यो नियम संगत हुदै हैन, पालिकाल एक्सन लिनुपर्छ, हामि पनि बुझ्दैछौँ,’ इकाई प्रमुख अवस्थीले भने ।
उक्त विद्यालयमा गत वर्ष पालिका अनुदान कोटामा शिक्षक हेमराज भट्ट र सरस्वती लुहारलाई नियुक्त गरिएको थियो । उक्त नियुक्ती गरे वाफत ५८ हजार रुपैया रकम असुलेको पाइएको हो । शिक्षक नियुक्त भएपछि उनिहरुबाट सो रकम विद्यालयको खातामा राखिएको प्रद्यानाध्यापक केशव बहादुर मडैले स्वीकार गरेका छन् । सोही अनुसारको पूर्व सहमती अनुसार सो रकम असुलिएको प्रद्यानाध्यापक मडैले बताएका थिए ।
पालिका शिक्षकको रुपमा नियुक्त भएका शिक्षक हेमराज भट्टले समेत पूर्व सहमती अनुसार विद्यालयलाई रकम दिइएको बताएका छन् ।
सामाचार संकलनका क्रममा गरिएको कुराकानी रेकर्ड सुरक्षित छ ।

यो पनि पढ्नुहोस्

सुर्नया–४को पञ्चदेव आविमा चरम अनियमितताः दिवाखाजादेखि शिक्षक नियुक्तिमा मनपरी

प्रकाशित मिति: सोमबार, जेठ २८, २०८१ १८:२२

प्रतिक्रिया दिनुहोस्