सुर्नया–४स्थित पञ्चदेव आविमा शिक्षकहरुबाट आर्थिक रकम मागिएको खुलासा, कानुनी निकाय आकर्षित हुने

प्रदेश समाचार

Home
प्रदेश समाचार
सुर्नया–४स्थित पञ्चदेव आविमा शिक्षकहरुबाट आर्थिक रकम मागिएको खुलासा, कानुनी निकाय आकर्षित हुने

सुर्नया–४स्थित पञ्चदेव आविमा शिक्षकहरुबाट आर्थिक रकम मागिएको खुलासा, कानुनी निकाय आकर्षित हुने शिक्षकहरुबाट आर्थिक रकम मागिएको भरपाइ नै भेटिएको छ । यसरी शिक्षक नियुक्ती गरेबाफत आर्थिक लेनदेन हुने गरेको भएकाले नयाँ शिक्षक नियुक्तीमा उल्झन पैदा भएको छ ।

स्टार बुलेटिन बिहीबार, जेठ ३१, २०८१

बैतडी,
बैतडीको सुर्नया गाउँपालिका–४ स्थित पञ्चदेव आधारभूत विद्यालयमा शिक्षकहरुबाट ५८ हजार रुपैया रकम असुलेको पाइएको छ । शिक्षक नियुक्ती भएपछि दुवै शिक्षकबाट चन्दास्वरुप विद्यालयलाई आर्थिक सहयोग स्वरुप रकम असुलेको पाइएको हो ।
गत वर्ष पालिका अनुदान कोटामा शिक्षक हेमराज भट्ट र सरस्वती लुहारलाई नियुक्त गरिएको थियो । उक्त नियुक्ती गरे वाफत ५८ हजार रुपैया रकम असुलेको पाइएको हो । शिक्षक नियुक्त भएपछि उनिहरुबाट सो रकम विद्यालयको खातामा राखिएको प्रद्यानाध्यापक केशव बहादुर मडैले स्वीकार गरेका छन् ।
यो घटना बाहिरिएपछि सुर्नया गाउँपालिका र शिक्षा विकास तथा समन्यव इकाई बैतडीले चासो राखेको थियो । यस विषयमा सत्यतथ्य बुझ्न विद्यालयलाई पत्र पठाएको थियो ।
सुर्नया गाउँपालिकाका शिक्षा शाखा प्रमुख टंक प्रशाद अवस्थीले प्रद्याधानाध्यापक केशव बहादुर मडै र विद्यललय व्यवस्थापन समितिका अध्यक्ष करुणाकर भट्टलाई बुधबार पालिकामा बोलाइएको थियो ।
विव्यस अध्यक्ष र भट्टले शिक्षकद्धय हेमराज भट्ट र सरस्वती लुहारबाट चन्दा स्वरुप आर्थिक सहयोग मागिएको भरपाई देखाएको शिक्षा शाखा प्रमुख अवस्थीले जानकारी गराएका छन् । ‘हामिले विव्यस अध्यक्ष र प्रअलाई बोलाएका थियौँ, उनिहरुले भरपाई लिएर आएका थिए, दुवै शिक्षकले चन्दास्वरुप आर्थिक सहयोग गरेको भनिएको थियो,’ शिक्षा शाखा प्रमुख भट्टले भने ।
यसैगरी शिक्षा शाखा प्रमुख अवस्थीले दिवाखाजाको विषयमा बिलमा मसिनो चामल उल्लेख नभएको हुनाले अहिले नै विद्यार्थीको भागको चामल भन्न नसकिएको बताएका छन् । ‘पसलबाट डायरीमा दिवा खाजा भनेर आएको छ, तर बिलमा सो कुरा उल्लेख छैन,’ उनले भने । यसअघि विद्यार्थीकै लागि भनेर मसिनो चामल ल्याइएको र सो चामलबाट खानेपानी योजनामा काम गर्ने कामदारहरुलाई दिएको खुलेको थियो ।
यस विषयमा प्रमुख जिल्ला अधिकारी भिमकान्त शर्माले पनि चासो राखेका छन् । प्रमुख जिल्ला अधिकारी शर्माले शिक्षक नियुक्ती भएपनि विद्याललाई चन्दास्वरुप उपलब्ध भएपनि नियमसंगत नभएको बताएका छन् । शिक्षकबाट रकम मागिएको भरपाई नै भेटिएको जानकारी पाएको र यो नियमसँगत नभएको उनको भनाइ छ । यसमा कानुनी निकाय र अख्तियार समेत आकर्षित भएको प्रमुख जिल्ला अधिकारी शर्माले बताए ।
प्रमुख जिल्ला अधिकारी शर्माले प्रशासन कार्यालयबाट आवश्यक प्रक्रिया अघि बढाउने समेत बताए ।
समाचार संकलनका क्रममा विद्यालयमा पुगेका सञ्चारकर्मीहरुलाई नै उल्टै कारवाही हुनुपर्ने धारणा पनि राखेको पाइएको छ । शिक्षक नियुक्तीमा आर्थिक स्वार्थ बाझिने गतिबिधि भएको लिखित भरपाई समेत पालिकामा पुगेपछि विद्यालयले गरेको त्रुटीको पुष्टि भएको छ । तर उल्टै सञ्चारकर्मी र सञ्चार माध्यमलाई कारवाहीको धम्की दिइरहेको भेटिएको छ ।

शिक्षक नियुक्त गरेर चन्दास्वरुप शिक्षकबाट पैसा लिने गरेको परिपाटी बसेको पाइएपछि संघीय अनुदानको शिक्षक नियुक्तीमा उल्झन भएको भेटिएको छ ।