सिगासमा खाना खर्च ६ लाख, सभा सञ्चालनमा ८ लाख खर्च, जनप्रतिनिधिको दोहोरो भत्ता

प्रदेश समाचार

Home
प्रदेश समाचार
सिगासमा खाना खर्च ६ लाख, सभा सञ्चालनमा ८ लाख खर्च, जनप्रतिनिधिको दोहोरो भत्ता

सिगासमा खाना खर्च ६ लाख, सभा सञ्चालनमा ८ लाख खर्च, जनप्रतिनिधिको दोहोरो भत्ता

बैतडी,
सिगास गाउँपालिकामा गत आर्थिक वर्ष २०७९÷८०मा जनप्रतिनिधिहरुले दोहोरो भत्ता बुझेको पाइएको छ । महालेखा परिक्षकको कार्यालयले सार्बजनिक गरेको अन्तिम लेखापरीक्षण प्रतिवेदनमा कार्यपालिका सदस्यहरुले दोहोरो रकमको भत्ता बुझेको उल्लेख गरेको हो । मासिक दुई बैठकभन्दा बढी दिनको कार्यपालिका र वडा कार्यालयको बैठक भत्ता २ लाख २१ हजार रुपैया बढी बुझेको भन्दै असुलउपर गर्नुपर्ने बताएको छ । यसमा अध्यक्ष उपाध्यक्ष बाहेकका कार्यपालिका सदस्य छन् ।
यसैगरी सिगास गाउँपालिकाले जथाभावी पेस्की वितरण गरेको पाइएको छ । महालेखाका अनुसार ७१ लाख ४५ हजार रुपैया विभिन्न समुह तथा योजनामा रकम दिएको भएपनि फच्र्र्याैट नगरेको पाइएको छ ।
सिगास गाउँपालिकाको आन्तरिक कूल आयको ३४ लाख ९० हजार ३७४.२६ पैसा रहेको छ । पालिकाले खाना तथा खाजा खर्चमा ६ लाख ७१ हजार ७८२, पालिकाको सभा सञ्चालनमा ८ लाख २४ अजार १८ रुपैया खर्च गरेको छ । महालेखाको प्रतिवेदनमा आन्तरिक आयाको ४२.८२ प्रतिशत खर्च खाना तथा सभा सभा सञ्चालनमा खर्च हुने गरेको औँल्याएको छ ।
यसैगरी स्वास्थयतर्फका ६ जना कर्मचारीलाई पनि २ लाख २७ हजार रुपैया बढी दिएको खुलेको छ । यसैगरी गत वर्षको भत्ता दिने व्यवस्था नै नगरी ४ लाख ३४ हजार रुपैया भत्ता वाफत कार्यपालिका सदस्य र गाउँसभा सदस्यहरुलाई बैठकभत्ता वाफत उपलब्ध गराएको छ । पदाधिकारी बैठक भत्ता वाफत १ लाख ५५ हजार र वडा बैठक भत्ता वाफत ६८ हजार रुपैया उपलब्ध गराएकोर मेशनरी औजार मर्मत तथा सञ्चालनमा १ लाख ८ हजार ६३४ रुपैया गरी ७ लाख ६५ हजार ६३४ रुपैया अतियमितता गरेको महालेखाले उल्लेख गरेको छ ।
प्रमुख प्रशासकीय अधिकृत रघुनाथ अवस्थीले जनप्रतिनिधिको दोहोरो भत्ता फच्र्याैट भइसकेको बताएका छन् । यसैगरी योजनामा दिइएको पेस्कीको काम पनि क्रमागत योजनामा रहेकाले योजना कार्यान्वयन भइरहेको बताएका छन् ।

प्रकाशित मिति: शनिबार, असार १, २०८१ १३:१४

प्रतिक्रिया दिनुहोस्