बैतडी,
बैतडीको सिगास गाउँपालिका–५ स्थित भुवनेश्वरी मावि खैरकोटमा विद्यार्थीहरु काम्ने समस्याका कारण विद्यालयको वातावरण प्रभावित भइरहेको विद्यालयले जनाएका छ । बिगत लामो समयदेखि दिउँसोको समयमा एक्कासी काम्ने, जमिनमा लछारपछार गर्ने, चिच्याउने, मुर्छा पर्ने, लगायतका लक्षण देखिएको शिक्षकहरुले बताएका छन् ।
आइतबार पनि पाँच जना किशोरीहरुमा यस्तो समस्या देखिएको र एक किशोरी सामान्य घाइते भएको समेत विद्यालयका सूचना अधिकारी अमर सिंह धामीले जानकारी दिएका छन् । यसले पढाईमा बाधा पुगेको उनले बताए ।
यसअघि पनि यस्तै घटनाका कारण संगिता धामी घाइते हुन पुगेकी सूचना अधिकारी धामीले बताएका छन् । ‘संगितालाई प्रद्यानाध्यापकले कुटपिट गरेको भनिएको थियो, त्यसमा सत्यता छैन, आइतबार पनि यस्तो खालको घटना हुदा हामिले भिडियो नै बनाएर सामाजिक सञ्जालमा राखेका छौँ,’ उनले भने ।
विद्यालय भिरमा भएकाले खेलमैदानमा लडिबुडी गर्दागर्दै लड्ने स्थिति हुने भएकाले शिक्षकहरु मिलेर कक्षा कोठामा राखेको उनले बताए ।
‘खेलमैदान साँघुरो छ, त्यहाबाट लड्ने स्थिति हुन्छ, त्यँहाबाट लड्यो भने ठुलो घटना हुने स्थिति हुन्छ, आजलपनि कक्षा ७ मा अध्यायनरत किशोरी ललिताको हातमा चोट लागेको छ,’ उनले भने ।
गाउँमा ‘वैनाले छोएको’ भन्ने गरिएको शिक्षक धामीले बताएका छन् । यस विद्यालयमा यस्तो लक्षण करिब एक दर्जन किशोरीहरुमा समस्या रहेको र यसले विद्यालयको वातावरण प्रभाव परेको छ ।
सिगास गाउँपालिकाका अध्यक्ष हरि सिंह धामीले यस्तो समस्या विद्यालयमा मात्रै नभई गाउँमा पनि समस्या देखिएको बताएका छन् । यहाँका अधिकांश विद्यालयहरुमा यस्तो समस्या रहेको र यो समस्या समाधानको लागि आवश्यक चिकित्सकीय परामर्शको कार्यक्रम सञ्चालनका लागि पालिकाले पहल चालिरहेको बताएका छन् । ‘गत वर्ष पनि सारदा माविमा यस्तो समस्या विकराल थियो, त्यहाँ कार्यक्रम चलायौँ, अहिले त्यहाँ शान्त छ,’ अध्यक्ष धामीले भने ‘अन्य विद्यालयहरुमा पनि यस्तो समस्या देखिएकाले हामी रोकथामको कार्यक्रम चलाउछौँ,’ अध्यक्ष धामीले भने ।
यसअघि मनिसा धामीलाई शिक्षकहरुले कुटपिट गरेका भन्दै झुटो हल्ला फैलाएको अध्यक्ष धामीको भनाइ छ । शिक्षकले कुट्यो भनेर सामाजिक सञ्जालमा आयो, हामिले यसबारे अनुगमन गर्यौँ, त्यहाको समस्या हेर्दा बाहिर भनेजस्तो देखिएन, अझै पनि यसबारे अन्य निकायले बुझिरहेका छन्, हामि पनि आवश्यक सहयोग गर्छाैँ, उनले भने ।
सिगास गाउँपालिककाका शिक्षा शाखा प्रमुख रमेश प्रशाद भट्टले यस विषयमा प्रशानिक निकायले चासो राखेको बताएका छन् । ‘आज पनि शिवलिङ प्रहरी चौकीको टोली त्यहा पुगेर आएको छ, अब छ्टिटै इलाका प्रहरी कार्यालय पाटनबाट पनि टोली आउने भन्ने छ,’ शिक्षा शाखा प्रमुख भट्टले भने, ‘बाहिर हल्ला फौलाएजस्तो देखिदैन, अनुशान्धान मा छौँ,’ उनले भने ।
यसअघि मनिसा धामीलाई कुटपिट गरी घाइते बनाएको आरोप लागेको छ । यस विषयमा आवश्यक अनुसन्धान भइरहेको प्रहरीले जनाएको छ ।
यस विषयमा शिक्षा विकास तथा समन्वय इकाईले पनि चासो राखेको प्रहरीको अनुसन्धानपछि आवश्यक कदम चाल्ने इकाई प्रमुख नरेन्द्र अवस्थीले बताए ।
